2015 jylǵy 23 aqpan, Astana qalasy
Keme kitabynda memlekettik tirkelýge jatatyn kemelermen bolǵan
kólik oqıǵalaryn tergep-tekserý qaǵıdalaryn bekitý týraly
«Saýda maqsatynda teńizde júzý týraly» 2002 jylǵy 17 qańtardaǵy Qazaqstan Respýblıkasy Zańynyń 4-baby 3-tarmaǵynyń 55-17) tarmaqshasyna sáıkes buıyramyn:
1. Qosa berilip otyrǵan Keme kitabynda memlekettik tirkelýge jatatyn kemelermen bolǵan kólik oqıǵalaryn tergep-tekserý qaǵıdalaryn qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A.Asavbaev):
1) osy buıryqtyń zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmelerin merzimdi baspa basylymdarynda jáne «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesine resmı jarııalaýǵa jiberýdi;
3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardy oryndaý týraly málimetterdi usynýdy qamtamasyz etsin.
3. Osy buıryqtyń oryndalýyn baqylaýdy ózime qaldyramyn.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Investısııalar jáne damý mınıstriniń
mindetin atqarýshy J.QASYMBEK
«KELISILDI»
Qazaqstan Respýblıkasynyń Ishki ister mınıstri
_____________ K.Qasymov
2015 jylǵy 4 naýryz
Qazaqstan Respýblıkasy Investısııalar jáne damý mınıstri mindetin atqarýshysynyń
2015 jylǵy 23 aqpandaǵy №150 buıryǵymen bekitilgen
Keme kitabynda memlekettik tirkelýge jatatyn kemelermen bolǵan
kóliktik oqıǵalardy tergep-tekserý qaǵıdalary
1. Jalpy erejeler
1. Osy Keme kitabynda memlekettik tirkelýge jatatyn kemelermen bolǵan kóliktik oqıǵalardy tergep-tekserý qaǵıdalary (budan ári – Qaǵıdalar) «Saýda maqsatynda teńizde júzý týraly» 2002 jylǵy 17 qańtardaǵy Qazaqstan Respýblıkasy Zańynyń (budan ári – Zań) 4-baby 3-tarmaǵynyń 55-17) tarmaqshasyna sáıkes ázirlengen.
2. Qaǵıdalar keme kitabynda memlekettik tirkelýge jatatyn kemelermen bolǵan kóliktik oqıǵalardy tergeýdi júrgizý tártibin aıqyndaıdy.
3. Keme kitabynda memlekettik tirkelýge jatatyn kemelermen bolǵan kóliktik oqıǵalardy tergeýdi júrgizýdiń maqsaty mán-jaılardy, sebepterdi, saldardy belgileý, qatysty tulǵalardyń is-qımylyn baǵalaý, olardy boldyrmaý boıynsha sharalar qabyldaý, sondaı-aq avarııalardyń aldyn alý jóninde tıisti usynymdar daıyndaý bolyp tabylady.
4. Qaǵıdalarda mynadaı uǵymdar paıdalanylady:
1) kemelerdi sý basý – korpýstyń sýǵa tolyq batýy nemese korpýsqa sýdyń kirýi nemese aýdarylýy nátıjesinde júzgish qorlardyń tolyq joǵalýy;
2) keme kitabynda memlekettik tirkelýge jatatyn kemelermen bolǵan kóliktik oqıǵalar (budan ári – kóliktik oqıǵa) – kememen bolǵan, ony apatqa jáne teńizde júzý qasıetin joǵaltýǵa, kemeniń basqa kemeni (kemelerdi), navıgasııalyq jabdyq quraldaryn, jáne teńiz ınfraqurylymy obektileriniń zaqymdaýyna ákep soqtyrǵan oqıǵa;
3) teńizde júzý qasıeti - kemeniń júzýde paıdalaný jaǵdaılaryndaǵy áreketin aıqyndaıtyn sıpattamalarynyń jıyntyǵy: júzgishtigi, beriktigi, sýǵa batpaıtyndyǵy, júrgishtigi, basqarýshylyǵy;
4) ýákiletti organ – saýda maqsatynda teńizde júzý salasyndaǵy basqarýdy, sondaı-aq Qazaqstan Respýblıkasy zańnamasynda kózdelgen –
salaaralyq úılestirýdi júzege asyratyn ortalyq atqarýshy organ;
5) porttyń teńiz ákimshiligi – ýákiletti organnyń aýmaqtyq bólimshesi.
5. Kóliktik oqıǵalardy tergeý organy ýákiletti organ bolyp tabylady.
6. Saýda maqsatynda teńizde júzý maqsatynda paıdalanylatyn teńiz kemelerimen, ishki sý kóligi kemelerimen jáne ózende-teńizde júzý kemelerimen soqtyǵysýǵa baılanysty kóliktik oqıǵalardy ýákiletti organ bekitken Zańnyń 4-baby 3-tarmaǵynyń 55-17) tarmaqshasyna sáıkes bekitilgen Kemelermen bolǵan avarııalyq jaǵdaılardy tergeý qaǵıdasyna sáıkes ýákiletti organ tergeıdi.
7. Porttyń teńiz ákimshiligi kóliktik oqıǵa týraly málimetterdi osy Qaǵıdalarǵa 1-qosymshaǵa sáıkes nysan boıynsha ýákiletti organǵa, ýákiletti organnyń vedomstvosyna, ishki ister organdarynyń aýmaqtyq bólimshesine jáne kóliktik prokýratýraǵa dereý habarlaıdy.
8. Nátıjesinde adam ólimi ne aýyr dene jaraqattary bolǵan kóliktik oqıǵalar ne kemeden adamdar joǵalyp ketken, sondaı-aq kemeniń tolyq konstrýktıvtik qıraýy, kemeni sý basýy, kemeniń navıgasııalyq jabdyq quraldaryn, teńiz ınfraqurylymy obektilerin zaqymdap, olardy paıdalanýdan shyǵarýǵa ákep soqtyrýy avarııa retinde synyptalady.
9. Osy Qaǵıdalardyń 8-tarmaǵynda kórsetilmegen basqa jaǵdaılarda, kóliktik oqıǵa paıdalaný oqıǵasy retinde synyptalady.
2. Kóliktik oqıǵalardy tergeý tártibi
10. Kóliktik oqıǵalardy tergeý kemelerdiń júzý aýdanyndaǵy kóliktik oqıǵalardyń saldaryn joıýǵa jáne keme qozǵalysyn qalpyna keltirý jónindegi jumystarǵa kedergi bolmaýǵa tıis.
11. Kóliktik oqıǵalardy tergeý ýákiletti organnyń kóliktik oqıǵany tirkegen sátten bastap otyz jumys kúni ishinde júrgiziledi.
12. Ýákiletti organnyń qyzmetkeri kóliktik oqıǵany tergeý kezinde kóliktik oqıǵa bolǵan jerge kelgen soń, zaqymdalǵan kemeler men obektilerdi tekserip qaraýdy júrgizedi. Ýákiletti organnyń qyzmetkerleri kelgenge deıin, oqıǵa bolǵan jerdi, zaqymdalǵan kemeler men obektilerdi tekserip qaraýdy ýákiletti organ aýmaqtyq bólimshesiniń qyzmetkeri júzege asyrady.
13. Ýákiletti organnyń qyzmetkeri kóliktik oqıǵanyń qatysýshylarynan jáne kýágerlerinen jazbasha suraý júrgizedi, onyń barysynda mynalar anyqtalady:
1) shaǵyn kólemdi kemeni basqarý quqyǵyna kýáliktiń, shaǵyn kólemdi kemege keme bıletiniń bolýyn, shaǵyn kólemdi kemeni júrgizýshiniń júzý ótili;
2) shaǵyn kólemdi keme júrgizýshisi oqıǵadan keıin dereý adamdarǵa jáne kemelerge kómek kórsetý úshin qabyldaǵan sharalary.
14. Ýákiletti organnyń qyzmetkeri kóliktik oqıǵaǵa qatysqan kemelerdi qarap, onyń barysynda mynalardy tekseredi:
1) kóliktik oqıǵanyń aldyn alýda jaı-kúıi mańyzdy bolǵan keme qurylǵylary men aspaptarynyń jaramdylyǵy;
2) korpýsy jáne onyń sý ótkizbeýshilik jaǵdaıy;
3) baqylaý-ólsheý aspaptarynyń kórsetkishteri;
4) sıgnal ottarynyń bolýy men olardyń kórinýi.
15. Ýákiletti organnyń qyzmetkeri kóliktik oqıǵa oryn alǵanǵa deıin, ol oryn alǵan ýaqyttaǵy jáne odan keıin kemelerdiń qozǵalysy men ornalasýynyń shemasyn qurastyrady, bul rette kóliktik oqıǵa kezinde oryn alǵan jaǵdaı men faktorlardyń áser etý deńgeıin, atap aıtqanda:
1) metereologııalyq jaǵdaılardy (kóriný qashyqtyǵy, jeldiń, jańbyrdyń, tumannyń, tolqynnyń jáne basqa meteorologııalyq faktorlardyń bolýy);
2) oqıǵa bolǵan aýdanda basqa kemelerdiń bolýy jáne olardyń kóliktik oqıǵa saldaryna áser etýin belgileıdi.
16. Kemelerdegi kóliktik oqıǵalardy tergeýdi júrgizýge baılanysty barlyq máseleler boıynsha ýákiletti organ memlekettik organdardyń, uıymdardyń, sondaı-aq ǵylymı uıymdar, arnaıy saraptamalyq komıssııalar zerthanalarynyń quzyreti sheginde olarmen tikeleı ózara is-qımyl jasaıdy.
17. Kóliktik oqıǵany tergeý mynadaı jaǵdaılarda:
1) kóliktik oqıǵaǵa qatysy bar adamdarda kútpegen mán-jaılar (aýyrý, issapar jáne basqa sebepter) týyndaǵan;
2) saraptama, tájirıbe jumystaryn júrgizý nemese kemelerdi sý basýyna, olardyń qıraýymen baılanysty kóliktik oqıǵanyń mán-jaılaryn qosymsha anyqtaý úshin;
3) memlekettik organdardyń, uıymdardyń, sondaı-aq ǵylymı uıymdar, saraptamalyq komıssııalar zerthanalarynyń, quzyreti sheginde olardyń qujattaryn, materıaldaryn jáne qorytyndylardy usyný úshin ýákiletti organnyń sheshimi boıynsha kúntizbelik otyz kúnnen aspaıtyn merzimge uzartylady.
18. Saraptamalyq komıssııany nemese kóliktik oqıǵalar boıynsha jekelegen sarapshylardy ýákiletti organ taǵaıyndaıdy.
Saraptama taǵaıyndalǵan kezde saraptamalyq komıssııasynyń (sarapshynyń) aldyna saraptama júrgizý barysynda sheshýge jatatyn naqty máseleler qoıylady, materıaldar usynylady.
19. Sarapshylar bolyp joǵary nemese tehnıkalyq arnaıy orta bilimi bar jáne keminde 5 jyl praktıkalyq jumys tájirıbesi bar adamdar (keme júrgizýshileri, keme mehanıkteri, elektr mehanıkteri, elektr tehnıkteri, radıo tehnıkter, gıdrotehnıkter, korabl jasaýshylar, paıdalanýshylar) jáne jobalaý-konstrýktorlyq uıymdardyń qyzmetkerleri taǵaıyndalady.
Saraptamaǵa qatysý úshin kórsetilgen uıymdar basshylarynyń kelisimi boıynsha ýákiletti organnyń vedomstvolyq baǵynysty uıymdarynyń mamandaryn shaqyrýǵa bolady.
20. Sarapshylar óz mindetterin oryndaý kezinde:
kóliktik oqıǵalardy tergeýdiń saraptamalyq qorytyndysy úshin qajetti materıaldarmen tanysady;
kemelerdi jáne olardyń qurylǵylaryn qarap tekserýdi júrgizedi, keme mehanızmderiniń, júıeleriniń, qurylǵylarynyń, aspaptarynyń jáne basqa jabdyqtarynyń jumys isteýin tekseredi.
21. Sarapshylar qorytyndyda saraptamalyq komıssııasynyń aldyna qoıylǵan barlyq máselelerge jaýaptardy kórsetedi. Qoıylǵan máselege egjeı-tegjeıli ári tolyq jaýap berý múmkin bolmaǵan jaǵdaıda sarapshylar buǵan dáleldi túsinik beredi.
22. Kóliktik oqıǵany ýákiletti organ osy Qaǵıdalarǵa 2-qosymshaǵa sáıkes nysan boıynsha júrgiziletin Kóliktik oqıǵalardy tirkeý jýrnalyna (budan ári – Tirkeý jýrnaly) tirkeıdi.
23. Tirkeý jýrnaly nómirlenedi, tigiledi jáne ol ýákiletti organnyń mórimen rastalady.
24. Tergeý materıaldary boıynsha ýákiletti organnyń tergeý júrgizgen qyzmetkeri kóliktik oqıǵany synyptaıdy jáne kóliktik oqıǵa týraly dáleldi qorytyndyny jasaıdy jáne bir-bir danadan ýákiletti organnyń vedomstvosyna jáne kóliktik oqıǵaǵa tikeleı jol bergen qatysýshylarǵa jiberedi.
26. Qorytyndyda mynadaı málimetter qamtylady:
1) kóliktik oqıǵaǵa qatysýshylar týraly qysqasha málimetter (kemelerdiń ataýy, qýaty, qozǵalys baǵyty, keme júrgizýshiler jáne kólik oqıǵasyna basqa qatysýshylar týraly málimetter, olarda tegi, aty, ákesiniń aty, týǵan jyly, laýazymy jáne jumys orny, shaǵyn kólemdi kemeni basqarý quqyǵyna kýáligi týraly málimetter, shaǵyn kólemdi kemege keme bıleti, jumys ótili tirkeldi);
2) kóliktik oqıǵanyń ýaqyty jáne orny, navıgasııalyq jabdyqtyń nemese teńiz ınfraqurylymy obektileriniń ornalasýy jáne olarǵa kemelerdiń qatysy boıynsha jaǵdaıy;
3) kóliktik oqıǵa mán-jaılarynyń jáne aýa raıy jaǵdaılarynyń qysqasha sıpaty, kóliktik oqıǵaǵa qatysy bar keme júrgizýshileri men basqa adamdardyń is-qımyly, olardyń alkogoldik, nashaqorlyq nemese ýyttyq mastanýynyń bolý jaǵdaıy;
4) kóliktik oqıǵanyń sebepteri;
5) kemelerdiń, júzbeli obektilerdiń zaqymdaný ornyn, mólsheri men sıpatyn, jaǵalaý obektileriniń nemese qurylystarynyń zaqymdanýyn, adamdardyń aýyr dene jaraqattaryn alýyn, qaza bolýyn, kemeden joǵalyp ketýin sıpattaı otyryp, kóliktik oqıǵanyń saldary;
6) kóliktik oqıǵanyń saldaryn joıý úshin paıdalanylǵan tehnıkalyq quraldar;
7) kóliktik oqıǵaǵa tikeleı jol bergen nemese onyń týyndaýyna yqpal etken adamdardyń tizbesi;
8) kemelerdegi kóliktik oqıǵalardyń bolýyna yqpal etetin sebepter men jaǵdaılardy joıý jónindegi usynymdar.
27. Keme ıesi, keme júrgizýshisi qorytyndyny alǵannan keıin tehnıkalyq jaı-kúıin, odan ári paıdalaný jáne/nemese jóndeý sharttaryn anyqtaý maqsatynda ýákiletti organnyń aýmaqtyq bólimshesine kemeni kezekten tys tehnıkalyq kýálandyrýǵa usynady.
Keme kitabynda memlekettik tirkelýge jatatyn kemelermen bolǵan
kóliktik oqıǵalardy tergeý qaǵıdalaryna 1-qosymsha
Nysan
Kóliktik oqıǵa jónindegi málimetter
№ Ataýy Málimetter
1 Kóliktik oqıǵa jóninde habarlaǵan adam (uıym) týraly málimetter (kúni, ýaqyty, T.A.Á, baılanys tel.)
2 Kóliktik oqıǵanyń bolǵan kúni jáne ýaqyty
3 Kemeniń tirkeý nómiri jáne túri, keme ıesi, keme júrgizýshisi
4 Kóliktik oqıǵa ornynyń koordınatalary
5 Keme qozǵalysynyń baǵyty
6 Keme júrgizýshisi men kemede bolǵan ózge adamdar týraly málimetter
7 Aýa raıynyń meteorologııalyq jaǵdaıy
8 Navıgasııalyq jabdyqtardyń, teńiz ınfraqurylymy obektileriniń bolýy
9 Bolǵan jaǵdaı týraly málimetter (kóliktik oqıǵanyń sebepteri, kemeniń, navıgasııalyq jabdyqtyń, teńiz ınfraqurylymy obektileriniń zaqymdanýynyń bolýy jáne sıpaty, qaza tapqandardyń, dene jaraqatyn alǵandardyń jáne kemeden joǵalyp ketkenderdiń sany, qorshaǵan ortany lastaý)
10 Kóliktik oqıǵany baǵalaýǵa jáne kómek kórsetý men zardaptardy joıý úshin tehnıkalyq quraldardy tartý qajettigi týraly sheshim qabyldaýǵa múmkindik beretin ózge málimetter
Keme kitabynda memlekettik tirkelýge jatatyn kemelermen bolǵan
kóliktik oqıǵalardy tergeý qaǵıdalaryna 2-qosymsha
Nysan
Kóliktik oqıǵalardy tirkeý jýrnaly
№ Kóliktik oqıǵaǵa tartylǵan kemeniń (kemelerdiń) tirkeý nómiri jáne túri/Tıp ı regıstrasııonyı nomer sýdna (sýdov), vovlechennyh v transportnoe proısshestvıe Kemeniń menshik ıesi nemese keme ıesi (jeke tulǵalar úshin) T.A.Á, tirkelgen ornynyń mekenjaıy (zańdy tulǵalar úshin) derektemeler Sobstvennık sýdna ılı sýdovladeles (dlıa fız. lıs.) F.I.O., adres mesta propıskı, (dlıa ıýr. lıs.) rekvızıty Keme júrgizýshi (T.A.Á, tirkelgen ornynyń mekenjaıy) / Sýdovodıtel (F.I.O. adres mesta propıskı) Kóliktik oqıǵa bolǵan kúni, aıy, jyly jáne ýaqyty/ Chıslo, mesıas, god ı vremıa transportnogo proısshestvııa Kóliktik oqıǵa bolǵan jer / Mesto transportnogo proısshestvııa Kóliktik oqıǵany synyptaý / Klassıfıkasııa transportnogo proısshestvııa Kóliktik oqıǵanyń sebebi/ Prıchına transportnogo proısshestvııa
1 2 3 4 5 6 7 8
kesteniń jalǵasy
Kóliktik oqıǵanyń saldary / Posledstvııa transportnogo proısshestvııa Shyǵyndar / Ýbytkı Kóliktik oqıǵaǵa qatysy bar tulǵalar / Prıchastnye k transportnomý proısshestvııý lısa Tergeýdi bastaý/ Nachalo rassledovanııa Tergeýdi aıaqtaý / Okonchanıe rassledovanııa Merzimdi uzartý týraly málimetter / Svedenııa o prodlenıı sroka Profılaktıkalyq sharalar / Profılaktıcheskıe mery Basqa málimetter / Drýgıe svedenııa
9 10 11 12 13 14 15 16
Buıryq Qazaqstan Respýblıkasynyń Ádilet mınıstrliginde 2015 jylǵy 14 sáýirdegi Normatıvtik quqyqtyq kesimderdi memlekettik tirkeýdiń tizilimine №10712 bolyp engizildi.