Qazaqstan Respýblıkasy Investısııalar jáne damý mınıstrliginiń buıryǵy  №382

  2015 jylǵy 31 naýryz, Astana qalasy Normatıvtik tehnıkalyq qujattardyń biryńǵaı memlekettik qoryn qalyptastyrý jáne júrgizý qaǵıdalaryn bekitý týraly «Tehnıkalyq retteý týraly» Qazaqstan Respýblıkasy 2004 jylǵy 9 qarashadaǵy Zańynyń 7-baby 20) tarmaqshasyna sáıkes, buıyramyn: 1. Qosa berilip otyrǵan Normatıvtik tehnıkalyq qujattardyń biryńǵaı memlekettik qoryn qalyptastyrý jáne júrgizý qaǵıdalary bekitilsin. 2. Qazaqstan Respýblıkasy Investısııalar jáne damý mınıstrliginiń Tehnıkalyq retteý jáne metrologııa komıteti (B.B. Qaneshev): 1) zańnamamen belgilengen tártipte osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde onyń kóshirmelerin merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasynyń Investısııalar jáne damý mınıstrliginiń ınternet-resýrsy men memlekettik organdardyń ıntranet-portalynda ornalastyrýdy; 4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Investısııalar jáne damý vıse-mınıstrine júktelsin. 4. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstri Á.ISEKEShEV «KELISILDI» Qazaqstan Respýblıkasynyń Aýyl sharýashylyǵy mınıstri ______________ A.Mamytbekov 2015 jylǵy 22 sáýir «KELISILDI» Qazaqstan Respýblıkasynyń Ulttyq ekonomıka mınıstri ______________E.Dosaev 2015 jylǵy 8 mamyr «KELISILDI» Qazaqstan Respýblıkasynyń Ishki ister mınıstri ______________Q.Qasymov 2015 jylǵy 28 sáýir Qazaqstan Respýblıkasy Investısııalar jáne damý mınıstriniń 2015 jylǵy 31 naýryzdaǵy № 382 buıryǵymen bekitilgen Normatıvtik tehnıkalyq qujattardyń biryńǵaı memlekettik qoryn qalyptastyrý jáne júrgizý qaǵıdalary 1. Jalpy erejeler 1. Osy Normatıvtik tehnıkalyq qujattardyń biryńǵaı memlekettik qoryn qalyptastyrý jáne júrgizý qaǵıdalary (budan ári – Qaǵıdalar) «Tehnıkalyq retteý týraly» 2004 jylǵy 9 qarashadaǵy № 603 Qazaqstan Respýblıkasy Zańynyń 7-baby 20-tarmaqshasyna sáıkes ázirlendi jáne Normatıvtik tehnıkalyq qujattardyń biryńǵaı qoryn (budan ári – biryńǵaı qor) qalyptastyrý, júrgizý tártibin anyqtaıdy. 2. Tehnıkalyq retteý salasyndaǵy ýákiletti organ (budan ári – ýákiletti organ) biryńǵaı qordyń jumysyn uıymdastyryp, úılestiredi. 3. Biryńǵaı qor memlekettik aqparattyq resýrs bolyp tabylady. 4. Biryńǵaı qordy qurýdyń maqsaty paıdalanýshylardy tolyq, anyq jáne ýaqtyly aqparatpen qamtamasyz etý úshin memlekettik organdardyń normatıvtik tehnıkalyq qujattaryn jáne standarttaý jónindegi ózge qujattardy júıeleý bolyp tabylady. 5. Biryńǵaı qor tehnıkalyq retteý salasynda basqa qorlarmen jáne shetel memleketteriniń uıymdarymen, halyqaralyq uıymdarmen ózara is-qımyl jasaıdy. 6. Biryńǵaı qor uıymdardyń standarttary, úkimettik emes standarttar men konsorsıým standarttaryn qospaǵanda, qabyldanǵan standarttar, tehnıkalyq-ekonomıkalyq aqparat jikteýishteri jáne normatıvtik tehnıkalyq qujattar (budan ári-normatıvtik tehnıkalyq qujattar) týraly aqparatty qamtıdy. 2. Biryńǵaı qordy qalyptastyrý jáne júrgizý tártibi 7. Biryńǵaı qordy ýákiletti organ óz quzyreti sheginde qalyptastyrady. 8. Biryńǵaı qordyń quramyna: 1) standarttar (shetel memleketteriniń, Qazaqstan Respýblıkasynyń áskerı standarttarynan basqa ulttyq, óńirlik jáne halyqaralyq); 2) tehnıkalyq-ekonomıkalyq aqparat jikteýishteri (memlekettik, ulttyq, óńirlik jáne halyqaralyq); 3) normatıvtik tehnıkalyq qujattar: standarttaý boıynsha qaǵıdalar, normalar jáne usynymdar (ulttyq, óńirlik jáne halyqaralyq); resmı aqparattyq basylymdar (kórsetkishter, katalogtar); sanıtarııalyq qaǵıdalar jáne gıgıenalyq normatıvter; órt qaýipsizdigi normalary men qaǵıdalary; ádistemelik nusqaýlar (qosymshalar), ólshemderdi oryndaý ádistemesi; tehnıkalyq, ónerkásiptik, ıadrolyq jáne radıasııalyq qaýipsizdikti qamtamasyz etý jónindegi normalar men qaǵıdalar; avıasııa qaǵıdalary; sáýlet, qala qurylysy jáne qurylys, turǵyn úı qatynastary jáne kommýnaldyq sharýashylyq salasyndaǵy memlekettik normatıvter; qaýipti júkterdi qaýipsiz tasymaldaýdy qamtamasyz etý jónindegi normalar men qaǵıdalar; jer qoınaýyn qorǵaý jáne tıimdi paıdalaný jónindegi qaǵıdalar; tehnıkalyq retteý salasyndaǵy basqa da qujattar. 9. Qujatty qabyldaǵan adam biryńǵaı aqparattyq júıeni qalyptastyrý úshin árbir standartty, tehnıkalyq-ekonomıkalyq aqparat jikteýishin jáne normatıvtik tehnıkalyq qujatty qabyldaý týraly aqparatty jáne olardyń bir danasyn biryńǵaı qorǵa jiberedi. 10. Normatıvtik tehnıkalyq qujattardy alǵannan keıin nemese normatıvtik tehnıkalyq qujattardy bekitkennen keıin ýákiletti organ 10 kúntizbelik kúnnen aspaıtyn merzimde memlekettik qupııa men zańmen qorǵalatyn qupııany quraıtyn málimetterden basqa normatıvtik tehnıkalyq qujattar mátinin biryńǵaı qor nemese ýákiletti organnyń ınternet-resýrsynda ornalastyrýdy qamtamasyz etedi. 11. Memlekettik organdar osy Qaǵıdalar qoldanysqa engizilgen kúnnen bastap 30 kúntizbelik kúnnen keshik­tiril­meıtin merzimde osy Qaǵıdalardyń 13-tarmaǵyna sáıkes anyqtamany qosa berip, buryn bekitilgen qoldanystaǵy normatıvtik tehnıkalyq qujattardy qaǵaz jáne/nemese elektrondy tasyǵyshtarda ýákiletti organǵa jiberedi. 12 Normatıvtik tehnıkalyq qujatty bekitetin memlekettik organ, mundaı qujatta memlekettik qupııany quraıtyn málimetter bolatyn jaǵdaılardan basqa kezde normatıvtik tehnıkalyq qujatty bekitý týraly buıryqtyń kóshirmesin bekitilgen qujat mátinimen birge jáne osy Qaǵıdalardyń 13-tarmaǵyna sáıkes anyqtamany qosa otyryp, tıisti qujattar bekitilgennen keıin 30 kúntizbelik kúnnen keshiktirmeı qujatty bekitken memlekettik organnyń móri qoıylǵan túpnusqalardyń bir dana kóshirmeleri túrinde qaǵaz jáne/nemese elektrondy tasyǵyshtarda beredi. Qujattar men málimetterdi berýdiń bul tártibi buıryqpen normatıvtik tehnıkalyq qujatqa ózgerister jáne (nemese) tolyqtyrýlar engiziletin jaǵdaılarǵa da qoldanylady. 13. Anyqtama mynadaı málimetterdi qamtýǵa tıis: 1) normatıvtik tehnıkalyq qujatty qoldanysqa engizý kúni; 2) ázirleýshi týraly málimet (ataýy, mekenjaıy, elektrondy poshtasy, baılanys telefony/faksy jáne ózge de málimetter). 14. Memlekettik organ ýákiletti organǵa normatıvtik tehnıkalyq qujattardy tapsyrǵan kezde osy Qaǵıdalardyń 1-qosymshasyna sáıkes nysan boıynsha qabyldaý-tapsyrý aktisi jasalady. 15. Eger normatıvtik tehnıkalyq qujattyń ataýyn, belgilenýin dál anyqtaý múmkin bolmasa, normatıvtik tehnıkalyq qujat mátinin oqý qıyn bolǵan kezde, sondaı-aq eger onda berilgen sýretter men kesteler anyq kórsetilmese, ýákiletti organ tıisti memlekettik organnan tehnıkalyq qujatty surata alady. 16. Biryńǵaı qordy júrgizý degenimiz biryńǵaı qordy aqparattyq jalpy paıdalaný júıesin myna joldarmen jańartylǵan kúıde ustaý prosesin bildiredi: 1) normatıvtik tehnıkalyq qujattardyń qaǵaz nusqalaryn sıfrlaý; 2) biryńǵaı qordyń joıylǵan, aýystyrylǵan jáne kúshin joıǵan normatıvtik tehnıkalyq qujattaryn biryńǵaı qordyń anyqtamalyq-bıblıografııalyq derekter bazasynan shyǵaryp tastaý; 3) biryńǵaı qordyń anyqtamalyq-bıblıografııalyq derekter bazasyn jańa qujattarmen tolyqtyrý. 17. Memlekettik organ qujatty qaǵaz nusqada bergen jaǵdaıda normatıvtik tehnıkalyq qujatty sıfrlaýdy ýákiletti organ júrgizedi. 18. Ýákiletti organ kelip túsetin normatıvtik tehnıkalyq qujattar derekteri negizinde biryńǵaı qordyń anyqtamalyq-bıblıografııalyq derekter bazasyn júrgizedi. Anyqtamalyq-bıblıografııalyq derekter bazasyn (budan ári – derekter bazasy) júrgizý: 1) derekter bazasyna normatıvtik tehnıkalyq qujattardy jáne olar týraly málimetterdi (belgilenýi, ataýy jáne ózge de málimetter); 2) derekter bazasyna ázirleýshi týraly málimetterdi engizýdi qamtıdy. 19. Derekter bazasyn toltyrý biryńǵaı qordyń jalpy qoldanystaǵy aqparattyq júıesi arqyly júzege asyrylady. 20. Derekter bazasyna engizilgen normatıvtik tehnıkalyq qujattyń qoldanylý merzimi aıaqtalǵan jaǵdaıda memlekettik organ qujat qoldanylýynyń jańa merzimderin kórsete otyryp, jańartylǵan qujatty nemese eger qujat kúshin joıǵan dep tanylsa, qujatty joıýǵa qoıý týraly aqparatty ýákiletti organǵa jiberedi. 21. Normatıvtik tehnıkalyq qujattyń árbir ózgerisi, qoldanylý merziminiń uzartylýy, qoldanylý merzimine shekteýdiń alynýy, normatıvtik tehnıkalyq qujat qoldanysynyń toqtatylýy boıynsha normatıvtik tehnıkalyq qujatty jańartýdy memlekettik organdar óz quzyreti sheginde júzege asyrady. 22. Memlekettik organdar ózara is-qımyl jasaý maqsatynda osy Qaǵıdalardyń 2-qosymshasyna sáıkes biryńǵaı memlekettik qormen ózara is-qımyldy júzege asyratyn qorlar týraly málimetterdi ýákiletti organǵa beredi. 23. Memlekettik organdardyń biryńǵaı qordy paıdalanýy tegin negizde júzege asyrylady. Normatıvtik tehnıkalyq qujattardyń biryńǵaı memlekettik qoryn qalyptastyrý jáne júrgizý qaǵıdalaryna 1-qosymsha nysan Qabyldaý-tapsyrý aktisi Memlekettik organnyń atynan __________ jáne ýákiletti organnyń atynan ____________ myna normatıvtik tehnıkalyq qujattardy qabyldaý-tapsyrýdy júzege asyrdy. r/s № Ataýy Eskertpe (elektrondy/qaǵaz nusqasy) sany Tapsyrdy ________________________ (memlekettik organ ókili) Mór orny (bolǵan jaǵdaıda) Qabyldady _______________________ (ýákiletti organ ókili) Mór orny (bolǵan jaǵdaıda) Normatıvtik tehnıkalyq qujattardyń biryńǵaı memlekettik qoryn qalyptastyrý jáne júrgizý qaǵıdalaryna 2-qosymsha nysan Biryńǵaı memlekettik qormen ózara is-qımyldy júzege asyratyn qorlar týraly málimetter Memlekettik organnyń nemese uıymnyń ataýy Tolyq Qysqasha Mamandandyrylǵan qordyń nemese qordyń ataýy Poshtalyq mekenjaıy Elektrondyq poshtasy Telefon/faks О́zara is-qımyldy júzege asyratyn baılanys tulǵasy Tegi Aty Ákesiniń aty Derektemeleri Telefony Qyzmet salasy Aqparattyń durystyǵyna myna tulǵa jaýapty bolady Tegi Aty Ákesiniń aty Kúni Basshy ___________ Mór orny (bolǵan jaǵdaıda) Buıryq Qazaqstan Respýblıkasynyń Ádilet mınıstrliginde 2015 jylǵy 18 maýsymda Normatıvtik quqyqtyq kesimderdi memlekettik tirkeýdiń tizilimine №11388 bolyp engizildi.