Burnaǵy kúni Parlament Senatynyń Tóraǵasy Qasym-Jomart Toqaev Qazaqstannyń Birinshi arnasynyń «Analıtıka» baǵdarlamasyna suhbat berdi. Onda belgili saıasatker BUU Qaýipsizdik Keńesi jáne Qazaqstan jaıynda jan-jaqty áńgime qozǵady.
Búgingi tańda óte ótkir másele bolyp turǵan terrorızm týraly oılaryn ortaǵa salǵan Joǵary Palata Spıkeri Elbasy N.Nazarbaev bıik minbelerden halyqaralyq lańkestikke qarsy kúresetin quzyrly uıym qurý jóninde utymdy usynys bildirgenin aıryqsha atap ótti.
Qasym-Jomart Toqaev BUU Bas hatshysynyń orynbasary bolǵan tulǵa retinde atalmysh asa bedeldi uıym bizdiń elimizdi álem taǵdyryna joǵary jaýapkershilikpen qaraıtyn memleketter qataryna qosatynyn, Qazaqstannyń birde-bir baǵaly bastamasy nazardan tys qalmaǵanyn, olardyń barlyǵy qazirgi halyqaralyq qarym-qatynasta kórinis tapqanyn alǵa tartty. О́z kezeginde Qazaqstan da BUU-nyń ıgi ıdeıalaryna qoldaý bildirýden eshqashan aınyǵan emes. Senat Tóraǵasy Qaýipsizdik Keńesiniń turaqty emes múshesi bolyp saılanýy bizdiń elimizge abyroı men artyqshylyq berip qana qoımaı, oǵan álem taǵdyry úshin zor saıası jaýapkershilik júkteıtinin erekshe qadap aıtty.
Q.Toqaev telearna tarapynan qoıylǵan sanalýan saýaldarǵa salıqaly jaýap qaıtardy.
«Egemen-aqparat»