Raıymbek BATALOV: Bıznesti bilý bir bólek, túsiný bir bólek, al júzege asyrý – eń qıyny

Biz búgin elimizdegi eń talantty isker azamattyń biri «Raimbek» holdıngi Dırektorlar keńesiniń tóraǵasy Raıymbek Ánýaruly Batalov týraly sóz qozǵamaqpyz. «Bizdiń strategııa­myz bar, alaıda al­dy­myzdan qaıta-qaı­ta kóldeneńdegen qarjylyq daǵdarystar men kúrdeli ekono­mıkalyq jaǵdaılarǵa qaramastan, jetilip kelemiz. Menedj­mentte tabyskerlik úde­risti ońtaılandyrý men avtomattandyrýǵa úlken mán beremiz. Bir qaraǵanda bári túsinikti sııaqty. Biraq, bilý bir bólek. Ony júzege asyrý bir bólek. Bul ekeýi eki túrli tásil. Eń kúrdelisi – qashanda jú­ze­ge asyrý», – deıtin Raıymbek Batalov bıznes álemine qashan kelip edi? Egemendiktiń eleń-alańyndaǵy Raimbek kompanııasy­nyń ta­rıhy 1992 jyly kishigirim saýda fırmasynan bastaý alady. Sol kezde ol Sıngapýr, Japonııa, Italııa, Shveısarııa men Gon­kongtan turmystyq tehnıka jetkizýmen aınalysatyn. Batalovtyń óndiriske kelgen kezi 1998 jyl. Osy jyly Raimbek Bottlers kompanııasy apelsın, alma jáne tomat dámi bar úsh túrli Juice shyryndaryn óndirý jelisin iske qosqany belgili. Kompanııa áý bastan-aq treıderler kómeginen bas tartyp, qoıytylǵan shyryn shyǵaratyn álemdik óndirýshilermen tikeleı yntymaqtastyqty ornyqtyrdy. Sonyń arqasynda, ónimdi óndirý barysy kezeńinde, onyń sapasyn baqylap, tutynýshylarǵa deldaldyq komıssııasyz, taza baǵamen usynýǵa múmkindik aldy. Búginge deıin Raimbek Bottlers zaýytynda bes birdeı Juice, Junior, FruttaMix, Palmaı Fantan saýda belgisi bar shyryndar shy­ǵarylady. Reti kelip turǵanda 2000 jyly RaimbekAlco kompanııasy qurylyp, onyń qyzmetiniń negizgi baǵyty – Qazaqstanǵa tańdaýly alkogoldi ishimdikterdi eksklıýzıvti jetkizý bolǵandyǵyn aıta ketý qajet. Búgingi tańda, RaimbekAlco-nyń seriktes paketinde álemge áıgili: Bacardi-Martini, BrownForman, Tommasi, CastelloBanfi, LesGrandsChaisdeFrance, Concha y Toro, taǵy basqa da alkogol ishimdigin óndirýshilermen kelisimsharttar bar. RaimbekAlco qazaqstandyq tutynýshylardyń seni­min joǵary baǵalaıdy, sol sebepti de, Qazaqstan Respýb­lıkasynyń alkogoldi ónimderdi adal ımporttaýshy «Alko­Import» qaýymdastyǵynyń belsendi múshesi, osynyń ózi kompanııanyń joǵarǵy mártebesin jáne bıznesti júrgizýdegi jaýapkershilik qatynasyn dáleldep otyr. Raıymbek Ánýaruly shyryn dámdi sýsyndar shyǵarýdy jolǵa qoıǵannan keıin ile-shala RaimbekAgro sút ónimderin shyǵaratyn, atap aıtsa, ýltrapasterlengen, tabıǵı sıyr sútin óndiretin jańa zaýytyn iske qosty. О́ndirý barysynda ol temperatýralyq óńdeliske túsip, sterıldi jaǵdaıda qoraptarǵa quıylady. О́ndiristiń barlyq salasynda tazalyq saqtaýdy erekshe baqylaý jáne qabyldanatyn sútke degen joǵary talaptardyń arqasynda, óndirilgen sút ónimi qalypty jaǵdaıda 9 aı boıy saqtalynady. Raimbek Group holdıngi syrtqy naryqqa qadam basqanyna da bıyl 13 jyl tolǵanyn ekiniń biri bile bermese kerek. 2003 jyly Qytaıda Raimbek Food (XINJIANG) Co. Ltd kompanııasy quryldy, ol qytaı naryǵy úshin shyryn óndirýmen aınalysty. QHR-da bul birinshi qazaqstandyq óziniń jeke 100% kapıtalymen kirgen kompanııa boldy. Birneshe jyl buryn zaýyt qytaı kásipkerlerine satylǵan edi. Búginde Raimbek Group – bul iri, sátti damyp kele jatqan holdıng, onyń qyzmetiniń basty baǵyttary – azyq-túlik ónim­derin óndirý men bólshektep satý. Birinshi kúnnen bastap-aq kompanııa bıznes úlginiń sol kezdegi Qazaqstan úshin ınnovasııalyq damýyna baǵyt alǵan: óz qyzmetkerleri, óz qorlary, ózindik óndiris, óz bas­qarýy boldy. Raimbek Group holdıngine kiretin kompanııa­lar Qazaqstan ekonomıkasynyń damýyna mańyzdy úlesin qosqanyn aıtý lázim. Eń bastysy – Qazaqstan, Ortalyq Azııa, Reseı jáne Kavkaz elderinde óz ónimderiniń joǵary sapasymen tutynýshylardyń senimine kirgen. Esimi tabystylyq, bıznestegi turaqtylyqpen tyǵyz baılanysty Batalov 3 ul, ush qyzdyń ákesi ekenin de baıandaı ketelik. Ol 1970 jyly Almaty qalasynda dúnıege kelgen. Qazaq sáýlet qurylys akademııasyn «qurylysshy-ınjener» ma­mandyǵy boıynsha bitirgen. 90-shy jyldary «Rıdder Invest» metallýrgııalyq kesheniniń basqarýshylar keńesine kirip, «Novojambyl fosfor zaýyty» hımııalyq keshenin, To­byl elevatoryn, Merkedegi qant zaýytyn, Shymkent JEO-3 basqarǵan. Sol sııaqty Raıymbek Batalov tabysty kásipker retinde ǵana emes, sonymen birge qoǵam qaıratkeri retinde de tanymal. Ol 2002 jyldan beri Qazaqstan kásipkerleriniń forýmy Keńesiniń tóraǵasy bolyp tabylady. Al endi otandyq kásipkerge qatysty sońǵy jańalyqtyń biri jýyrda Tashkentte Shanhaı yntymaqtastyq uıymynyń (ShYU) 16 sammıti ótip, onda atalǵan uıymǵa tóraǵalyq etý mártebesi Qazaqstanǵa berilýine baılanysty oryn aldy. Sonda ShUY Iskerlik keńesiniń (IK) tóraǵasy bolyp Qazaqstan tarapynan ShYU Iskerlik Keńesi ulttyq bóliminiń basshysy Raıymbek Batalov saılandy. 2016-2017 jyldary ShYU IK-ine tóraǵa el retinde Qa­zaqstan eki jobany júzege asyrady. Olar – «Qorǵas» ha­lyq­­aralyq shekara mańy yntymaqtastyǵy ortalyǵy aý­ma­ǵynda jyl saıynǵy Halyqaralyq «Shaı Quryltaıy» men Qa­zaqstanda bıznesti tabysty damytý maqsatynda arnaıy qu­rylǵan «Bıznesmen» biregeı mobıldik qosymshasynyń tusaýkeserin ótkizý. Isker azamat velosport, úlken tennıs, taý shańǵysymen shu­ǵyldanady. Jas kezinde sý astynda júzýmen kásibı  túrde aınalysqan. Aınash ESALI, «Egemen Qazaqstan» ALMATY