On eki múshesi saý adamdardyń arasynda da áli kúnge masyldyq pıǵyldan arylmaı júrgender bar. Olarǵa Ońtústik Qazaqstan oblysynyń Ordabasy aýdanyndaǵy Temirlan aýylynda turatyn Baqytbek О́temuratovtaı azamattardyń basqaǵa alaqan jaımaı, naryqqa saı tirshilik jasap jatqany úlgi-ónege bolsa ıgi.
Baqytbek I toptaǵy múgedek. Qos janary birdeı kórmeıdi. Biraq, soǵan qaramastan, múgedekpin dep qol qýsyryp qarap otyrǵan joq, arnaıy ruqsat alyp, ýqalaý ortalyǵyn ashty. Búginde bul ortalyqqa kelýshilerdiń qarasy qalyń.
Aýdan ákimi Almasbek Mamytbekov Baqytbektiń úıinde bolyp, jumys ornymen tanysty. Halyqqa jasap jatqan aq-adal qyzmeti úshin alǵys aıtyp, jumysyna qajetti kompıýterlik quraldardy syıǵa tartty. Bul da bolsa kásipker úshin úlken kómek.
Áńgime barysynda Baqytbek ýqalaý ortalyǵymen shektelip qalmaı, «Yrys» nesıe mekemesinen tómen paıyzben qarjy alyp, Temirlan aýylynan emdeý-saýyqtyrý keshenin salyp, ony taıaý ýaqytta iske qosatynyn aıtyp qaldy.
Asqar OMARHANOV,
jýrnalıst
Ońtústik Qazaqstan oblysy,
Ordabasy aýdany