Astanada ekiqabatty ekskýrsııalyq avtobýstar júretin boldy. Olarda qazaq, orys, aǵylshyn jáne qytaı tilderindegi aýdıojúıe qyzmet kórsetedi. Qazir osy avtobýstarǵa arnalǵan Esil ózeniniń sol jaǵalaýynda uzyndyǵy 20 shaqyrym artyq arnaıy marshrýt ázirlendi.
Ekskýrsııalyq avtobýs Astananyń kóptegen kórikti jerleriniń janynan ótedi. Ol qozǵalys barysynda «Dýman» oıyn-saýyq ortalyǵy, «Han Shatyr» saýda oıyn-saýyq ortalyǵy, «Qazaq Eli» monýmenti janyndaǵy alań, «Astana-Báıterek» monýmenti aıaldamalaryna toqtamaıdy. Bolashaqta Esil ózeniniń oń jaǵalaýyn da qamtyp, marshrýtty uzartý josparlanyp otyr.
Esil ózenindegi marshrýttyń uzyndyǵy – 80-100 mınýt, avtobýstardyń ıntervaly 30-40 mınýt. Avtobýstar saǵat 10.00-den keshki 20.00-ge deıin júredi.
Avtobýsta «Hop-on/Hop-off» bılet júıesi qarastyrylǵan. Osy bıletpen júretin jolaýshy kez kelgen sátte avtobýstan túsip, mýzeı nemese kórikti jerlerdi aralaıdy, sodan keıin kez kelgen arnaıy aıaldama kesheninen ekskýrsııalyq avtobýsqa qaıta otyra alady.
Dastan KENJALIN,
«Egemen Qazaqstan»