[caption id="attachment_50112" align="aligncenter" width="560"] Foto: almaty.gov.kz[/caption]
Astana kúnin toılaý qarsańynda Alataý aýdanyndaǵy 2017 jylǵy Ýnıversıadanyń ortalyq nysany sanalatyn 12 myń oryndyq muz saraıynyń qurylysy aıaqtaldy.
Almaty qalasy ákimdiginiń habarlaýynsha, atalǵan sporttyq nysan merziminen 3 aı erte paıdalanýǵa berilip otyr. Sport kesheniniń aınalasyn kógaldandyrý men abattandyrý jumystary da aıaqtalyp keledi. Irgeles aýmaq, shahardyń biryńǵaı jobasy boıynsha ulttyq naqyshta kómkerilgen.
Osy jyldyń aqpan aıyndaǵy Elbasy Nursultan Nazarbaevtyń Ýnıversıada boıynsha Almaty belsendilerimen kezdesýinde iri sporttyq sharany ótkizý men bolashaqta bul sporttyq nysandardyń barlyǵynyń halyqqa qoljetimdi bolýy kerektigine nazar aýdarǵan.
[caption id="attachment_50114" align="aligncenter" width="560"] Foto: almaty.gov.kz[/caption]
Jańa salynǵan muz saraıynda shaıbaly hokkeı men mánerlep syrǵanaýdan, short-trekten oqý-jattyǵý jumystaryn ótkizýge bolady. Mádenı sharalar úshin halyqtyń muz aıdynynda buqaralyq syrǵanaq jarysyn da uıymdastyrýǵa bolady. Keshen – 12 myń oryndyq muz aıdyny, saýyqtyrý kesheni bar jattyǵý aıdyny jáne júzý basseıni sııaqty úsh bólikten turady.
Jospar boıynsha, Ýnıversıada nysandarynyń barlyǵy ýaqytynda paıdalanýǵa beriledi. Qazirgi tańda Alataý aýdanynda ornalasqan 5 myń oryndyq atletter qalashyǵy men Medeý aýdanyndaǵy 3 myń oryndyq muz arenasynyń qurylysy qarqyndy júrgizilýde.
Almaty qalasyndaǵy halyqaralyq qysqy stýdentter oıyny 2017 jyldyń 29 qańtary men 8 aqpan aralyǵynda ótedi. Oǵan 60-tan astam elden 2000 sportshy keledi. Jarysqa 3 myń erikti jumyldyrylmaq. Saıystar 8 sporttyq nysanda, 12 sport túrinen ótedi.
Talǵat SÚIINBAI