Azattyq rýhyna aınalǵan qala

Elorda men Elbasy – ult ustyny

TÝǴAN KÚNIŃMEN, EŃSESI BIIK ELORDA! TÝǴAN KÚNIŃIZBEN, ELI SÚIGEN, ELIN SÚIGEN ELBASY!   Elbasy Nursultan Nazarbaev Astana kúnine arnal­ǵan saltanatty qabyl­daýǵa qatysty, dep habarlady Prezıdenttiń baspasóz qyzmeti. Is-sharaǵa Parlament depýtattary, memlekettik organdardyń, dıplomatııalyq korpýstyń, zııaly qaýymnyń, isker toptar men mádenı-aǵartýshylyq ortanyń ókilderi qatysty. Memleket basshysy bıyl As­tana kúni aıryqsha mánge ıe ekenin, óıtkeni, el Táýelsizdiginiń 25 jyldyǵy aıasynda toılanatynyn aıtty. – Elorda kez kelgen elde bar jaqsy nárseniń bárin ózine sho­ǵyr­landyra otyryp, mem­lekettiń naqty ómirin beıneleıdi. Elorda – árbir ulttyń ustyny. Qazaq­standyqtar úshin Astana da osyndaı megapolıske aınal­dy. Jańa elordanyń negizin qalaý Otanymyzdyń táýelsizdik tarı­hynyń altyn paraqtary bolyp sanalady. Astana biz úshin –  birigýdiń, tutastyqtyń, halqy­myzdyń óz kúshine, erekshe múm­kin­dikterine degen seniminiń rýhtan­dyrýshy rámizi. Astana rýhy ǵasyrlyq dástúrlerdi, dana­lyqty, halyqtyń shyǵarma­shy­lyǵyn, Qazaqstan halqynyń ót­kenin, qazirgisi men keleshegin sabaqtastyrady. Bizdiń mem­leketimizde, ekonomıka men qo­ǵamda táýelsizdik jyldary bol­ǵan túbegeıli ózgerister elor­da­myz­da aınadaǵydaı kórinis tap­qan, – dedi Qazaqstan Prezı­denti. Nursultan Nazarbaev osy jyl­dary Astanada qalanyń odan ári damýyna yqpal etken ha­lyqaralyq deńgeıdegi kóptegen iri is-sharalar ótkenine toqtaldy. – Astana EQYU-nyń jańa myń­jyldyqtaǵy alǵashqy sammı­tin qabyldady, EKSPO dúnıe­júz­ilik kórmesiniń 17-shi astanasy atandy. Munda álemniń ıslam memleketteriniń kóshbasshylary qatysqan konferensııa jáne Qazaqstandy tanymal etken basqa da kóptegen halyqaralyq forýmdar ótti. Bul – bizdiń astanamyzdyń álemdik qoǵamdastyqqa joǵary deńgeıde tanylýynyń kórsetkishi. Astana búginde bolashaqqa kóz tigedi, qalanyń damý qarqyny ony ómir sapasynyń jańa stan­darttarynyń úlgisine, búkil Eý­razııa úshin ınnovasııalyq damý­dyń ýrbanızasııalyq modeline aı­naldyrady. Munda jańa óndi­rister iske qosylyp, shaǵyn jáne orta bıznes damyp jatyr. Qala ınfraqurylymy jaqsarýda, jańa mádenıet jáne demalys nysandary ashylýda, – dedi Memleket basshysy. Memleket basshysy atap ót­kendeı, elorda qazirgideı kúrdeli ýaqytta da damý qarqynyn túsirmeı, qalǵan óńirlerdi qoldap, búkil Qazaqstanǵa sarqylmaıtyn kúsh-qýat berip otyr. – Osy ýaqyt ishinde úlken jol­dy artqa tastadyq, kóp nárse jasal­dy, biraq atqaratynymyz áli de kóp. Biz buǵan daıynbyz, ol úshin qajetti múmkindikter men qul­shynys bar. Astana bizdiń táýelsiz­digimizdiń, damýdyń shynaıy kórinisine, azattyq pen ınno­vasııa rýhyna aınaldy. Qazaqstandyqtar úshin jańa elorda, bul – Otanymyzdyń júrekke jaqyn, tartymdy ortalyǵy, – dedi Nursultan Nazarbaev. Sońynda Memleket basshysy barsha Qazaqstan halqyn merekemen quttyqtap, baqyt pen baq-bereke tiledi.