[caption id="attachment_50281" align="aligncenter" width="560"] Foto: ria.ru[/caption]
Ońtústik Afrıka Respýblıkasynyń Pretorııa qalasynda ataqty jelaıaq Oskar Pıstorıýsqa jańa úkim shyqty. Júgirý sportynan Paralımpıada oıyndarynyń 6 dúrkin chempıony alty jylǵa bas bostandyǵynan aıryldy.
RIA «Novostı» aqparat agenttiginiń habarlaýynsha, sportshy fotomodel bolǵan óziniń Reva Stenkamp esimdi qurbysyn qasaqana óltirgen. Aıyptalýshy sot otyrysy aıaqtalysymen, birden qamaýǵa alynǵan. Al sportshynyń qorǵaýshysy úkimge qarsy shyqpaıtynyn málimdedi.
Qaıǵyly oqıǵa 2013 jyldyń aqpan aıynda Oskar Pıstorıýstyń úıinde bolǵan. Úıde jalǵyz otyrǵan ol jýyný bólmesinen tanys emes daýysty estip, ury kirip ketken dep oılaıdy. Eshnársege qaramastan jabyq esiktiń syrtynan birneshe ret oq atady. О́kinishtisi, ury degeni óziniń qurbysy bolyp shyqty.
24.kz-tiń málimetteri boıynsha, 2014 jyly Pıstorıýs abaısyzda adam óltirdi degen aıyppen 5 jylǵa sottalǵan. Biraq túrmede bir jyl otyryp bosatylǵan edi.
Aıan ÁBDÝÁLI