Mońǵolııada Uly Hýralǵa saılanǵan depýtattardyń biri – halyq ártisi, ánshi Javhalan Samand parlament ǵımaratyna atpen keldi. Ol buǵan deıin depýtattyq úgit-nasıhat barysynda aýyl-aımaqty ógiz arbamen aralap, eldi tańǵaldyrǵan bolatyn.
Endi, mine, ol depýtattardyń ant berý rásimine atpen kelip, eldi taǵy da dúrliktirip otyr. Sol úshin ony keıbir adamdar «ártis dese naǵyz halyq ártis» deıdi. Al ánshi buǵan esh qysylmaıdy. Kerisinshe, ol atqa otyryp, aýyl-aımaqty ógiz arbamen aralasam, mońǵol eliniń ejelden kele jatqan salt-dástúrin saqtaıtyn halyq qalaýlysy ekenimdi kórsetip júrmin, degendi aıtady.
Bıylǵy parlament saılaýynda halyq ártisi Mońǵol halyqtyq partııasy atynan saılandy. Bul partııa saılaýda jeńiske jetip, 76 orynnyń 63-in ıelendi.
Dastan KENJALIN,
«Egemen Qazaqstan»