Almaty-Qaraǵandy trassasynyń Qaraǵandy oblysy aýmaǵyndaǵy bóliginde jol-kólik oqıǵasy oryn alyp, alty adam, sonyń ishinde eki bala qaza tapty.
Qaraǵandy oblystyq ishki ister departamentiniń baspasóz hatshysy Baqytjan Qudııarovtyń aıtýynsha, qaıǵyly oqıǵa 9 shilde kúni Gúlshat kentinen 20 shaqyrym jerde saǵat 11:15-te bolǵan.
«Aldyn ala málimet boıynsha, Almatydan Astanaǵa qaraı kele jatqan «Leksýs» avtomobıli artqy dońǵalaǵynyń jarylyp ketýine baılanysty aýdarylyp qalǵan. Qatty kele jatqan kóliktiń tizginine júrgizýshi ıe bola almaǵan. Jol-kólik oqıǵasy nátıjesinde júrgizýshi men onyń bes jolaýshylysy túgel oqıǵa ornynda qaza tapqan. Olardyń arasynda kámeletke jetpegen eki bala bar», - dedi Qudııarov.
Qazir bolǵan oqıǵa boıynsha saraptama taǵaıyndaldy. Tekserý júrip jatyr. Ol kólik júrgizýshiniń jolda júrý erejesin buzýy retinde qarastyrylýda.
Qaırat ÁBILDINOV.