[caption id="attachment_50714" align="aligncenter" width="560"] Foto: vk.com[/caption]
Fýtboldan Qazaqstan premer-lıgasy 20-týrynyń oıyndary oınaldy. Almatynyń «Qaıraty» óz alańynda Qostanaıdyń «Tobylynan» basym tústi.
«Qaırat» (Almaty) – «Tobyl» (Qostanaı) 3:2 (0:0)
Goldar: Baýyrjan Islamhan 49, Islambek Qýat 60, Isael Barboza 72 – Artýras Jýlpa 68, Sergeı Hıjnıchenko 76.
Almatynyń ortalyq stadıonynda ótken kezdesýde jergilikti «Qaırat» «Tobyl» komandasyn jeńip, kezekti úsh upaıyna qol jetkizdi. Matchtyń alǵashqy taımynda esep ózgerissiz 0:0 kúıinde qaldy.
Alaıda, kelesi 45 mınýtta jankúıerler naǵyz tartysty oıynnyń kýási boldy. Alma kezek shabýyldardyń arqasynda barlyǵy bes gol soǵyldy. «Qaırattan» komanda kapıtany Baýyrjan Islamhan 49-mınýtta esep ashsa, araǵa on bir mınýt salyp, Islambek Qýat «Tobylǵa» ekinshi dopty toǵytty. Al qonaqtardan Artýras Jýlpa mergendigimen kózge túsip, jankúıerlerine úmit syılaǵandaı bolyp edi, biraq qýanyshtary uzaqqa sozylmady. Sebebi, Isael Barboza 72-mınýtta úshinshi goldy soqty. «Tobylǵa» bıylǵy maýsymda aýysyp kelgen Sergeı Hıjnıchenko araǵa tórt mınýt salyp esep sanyn qysqartqan. Osydan keıin qos komanda birqatar shabýyl jasasa da, esep ózgerissiz qaldy.
«Aqjaıyq» (Oral) – «Astana» (Astana) 1:5 (1:3)
Goldar: Predrag Govedarısa 20 – Azat Nurǵalıev 2, 91, Kabananga Jýnıor 22, Ashat Taǵybergen 44, Serikjan Mujyqov 64.
«Taraz» (Taraz) – «Ertis» (Pavlodar) 1:0 (1:0)
Gol: Ioan Mera 40.
«Shahter» (Qaraǵandy) – «Ordabasy» (Shymkent) 0:0
«Oqjetpes» (Kókshetaý) – «Jetisý» (Taldyqorǵan) 2:0 (0:0)
Goldar: Álibek Bóleshev 63, Jasulan Moldaqaraev 91.
Oryndalmaǵan penaltı: Jasulan Moldaqaraev 71.
«Atyraý» (Atyraý) – «Aqtóbe» (Aqtóbe) 1:1 (0:0)
Goldar: Vladımır Arjanov 53 – Nıkıta Bocharov 86.
20-týr oıyndarynyń qorytyndysy boıynsha týrnır kestesi
[caption id="attachment_50713" align="aligncenter" width="560"] Foto: vk.com[/caption]
Úzdik surmergender:
Jerar Goý («Qaırat») - 14 gol;
Baýyrjan Islamhan («Qaırat») - 11 gol;
Dýshan Savıch («Jetisý») - 10 gol;
21-týrdyń qarsylastar reti tómendegideı:
«Jetisý» – «Aqjaıyq»
«Astana» – «Atyraý»
«Tobyl» – «Oqjetpes»
«Ordabasy» – «Taraz»
«Aqtóbe» – «Shahter»
«Ertis» – «Qaırat»
Aıan ÁBDÝÁLI