[caption id="attachment_50705" align="aligncenter" width="560"] Foto: Ǵalymmurat JÚKEL[/caption]
Taldyqorǵan qalasynda memlekettik-jeke-menshik áriptestik aıasynda 125 oryndyq jańa balabaqsha ashyldy.
«Elordamyzdyń kámelettik jasqa tolýyna oraılastyrylyp, ashylǵan bul balabaqsha zaman talabyna saı jabdyqtalyp otyr. Negizi Almaty oblysynyń ortalyǵynda memlekettik saıasatqa saı jańadan ashýǵa josparlanǵan 12 balabaqshanyń úshinshisi. Munda barlyq jaǵdaı jasalyp, ata-analardyń balalaryn esh alańsyz qaldyryp ketýge oılastyrylǵan. Yńǵaıly da taza bólmelerdiń barlyǵyna beınekameralar ornatylǵan», dedi Taldyqorǵan qalasynyń ákimi Baǵdat Qarasaev.
Búgingi kúnge deıin Taldyqorǵan qalasynda mektepke deıingi 50 mekeme jumys isteýde. Sol mekemelerdiń 16 ǵana memlekettik bolyp sanalady. Bul bıznesmenderdiń memlekettik-jeke-menshik áriptestikke erekshe kóńil bólip, qyzyǵýshylyq tanytyp otyrǵanyn bildiredi. Taǵy bir aıta keter jaıt osy jańa balabaqshany ashýmen birge taldyqorǵandyqtarǵa 37 jumys ornyn da ashyp berip otyr. Bıznesmender tarapynan erekshe qarqynmen qolǵa alynǵan bul shara halyqtyń da kóńilinen shyǵyp otyr. Eń bastysy bolashaǵymyz bolyp sanalatyn búgingi urpaqtyń ýaqyt talabyna saı tárbıelenip teń tustarmen birge kóp dúnıeni úırengendigi qajet emes pe? Sondyqtan memlekettik-jeke-menshik áriptestik aıasynda ashylatyn ár balabaqshaǵa da qoıylatyn talap, baqylaý bolatyny anyq. Bul jańa jumys ornyn ashyp otyrǵan bıznesmenge de sol bala-baqshaǵa balalaryn tárbıeleýge beretin ata-analarǵa da tıimdi. Eń bastysy zańnama sheńberinde talap bolady.
Nurbol ÁLDIBAEV
Taldyqorǵan qalasy
[caption id="attachment_50706" align="aligncenter" width="560"] Foto: Ǵalymmurat JÚKEL[/caption]