[caption id="attachment_50909" align="aligncenter" width="560"] Foto: inform.kz[/caption]
Erbolat Dosaev «Qazaqstannyń Turǵyn úı qurylys jınaq banki» AQ Dırektorlar Keńesiniń Tóraǵasy bolyp saılandy.
2016 jylǵy 11-shildede «Qazaqstannyń Turǵyn úı qurylys jınaq banki» AQ Dırektorlar Keńesiniń otyrysy bolyp ótti. Onyń barysynda Dırektorlar Keńesiniń Tóraǵasy bolyp «Báıterek» Ulttyq Basqarýshy holdıngi» AQ Basqarma Tóraǵasy Erbolat Dosaev saılandy, delingen bank baspasóz qyzmetiniń habarlamasynda.
Inform.kz-tiń málimeti boıynsha, Dırektorlar Keńesi Turǵyn úı qurylys jınaq banki salymshylarynyń úı jaǵdaıyn jaqsartý múmkindigin ulǵaıtatyn, ári el aımaqtaryndaǵy turǵyn úı qurylysyn jandandyrýǵa baǵyttalǵan «О́z úıim» baǵdarlamasynyń negizgi sharttaryn qarastyrdy.
Sonymen qatar, otyrysta «Qazaqstannyń Turǵyn úı qurylys jınaq banki» AQ qyzmetine qatysty birqatar máseleler talqylanǵan. Atap aıtqanda, 2015 jyldyń qortyndy Esebi, Bankpen erekshe qarym-qatynastaǵy tulǵalarmen aradaǵy kelisimder men basqarý esepteri aldyn-ala bekitildi.
Dırektorlar Keńesi otyrysynyń qortyndysy boıynsha Bank Basqarmasyna «О́z úıim» baǵdarlamasyn júzege asyrý barysynda týyndaýy múmkin táýekelderdiń aldyn alyp, Bank salymshylary bolyp tabylatyn baǵdarlama qatysýshylaryn qandaı da bir qaýip-qaterlerden saqtaý boıynsha mindetter júkteldi.
Aıdar О́RISBAEV