«Jibek joly» – Kaspıı aıdynynda»

Memleket basshysy elimizdiń kólik-logıstıkalyq áleýetin arttyrý jóninde keleli mindet qoıyp otyr. Osyǵan baılanysty «Qazaqstan temir joly» UK» AQ toǵyz joldyń torabynda ornalasqan Qazaqstannyń júk tasymaly áleýetin arttyrýǵa basymdyq berip keledi. Ústimizdegi jyldyń 12 shildesinde «QTJ» UK» AQ tapsyrysymen arnaıy jasalǵan 7500 tonna júk kóteretin «Jibek joly» qurǵaq júk kemesi reseılik Shlısselbýrgte sýǵa túsirildi. Qazaqstandyq jańa kemeni sýǵa túsirý saltanatyna «QTJ» UK» AQ prezıdenti Asqar Ma­mın, Reseı Federasııasy kólik mınıstriniń orynbasary Vık­tor Olerskıı, Lenıngrad oblysy úkimeti tóraǵasynyń birin­shi oryn­basary – qarjy komıte­tiniń tóraǵasy Roman Markın qatys­ty. Saltanatty sharaǵa qatysý­shylar aldynda «QTJ» UK» AQ pre­zıdenti Asqar Mamın sóz sóıledi. Ol atalmysh sharanyń Mem­leket basshysynyń tikeleı tap­­syr­­masymen atqarylyp otyrǵan­­dyǵyn atap kórsetti. Bul joba – «Nurly Jol» baǵdar­la­ma­syndaǵy jobalardy júze­ge asyrý, Qazaq­stan Respýb­lı­ka­sy­nyń qurǵaq júk flotyn damy­tý, eli­mizdiń tran­zıttik kólik­tik áleýe­tin jetildirý maqsat­tary­nan týyndap otyrǵan mańyz­dy mindet ekendigin de tilge tıek etti. «Jańa kemeniń atyn Qazaq­stan Prezı­denti Nursultan Nazar­baev­tyń «Jibek joly» dep ataýy da tegin emes. О́ıtkeni, Qazaqstan men «QTJ» UK» AQ-tyń damý stra­te­gııasyna oraı, Kaspıı ınfra­qu­rylymyn jetildirý men teńiz flotyn qurý arqyly mýltımo­daldyq tasymaldaýdy jıiletýge basa nazar aýdarylyp otyr», dedi Asqar Mamın. 2013 jyly qurylǵan «KTZ Express Shipping» keme kom­pa­nııa­sy syıymdylyǵy 5 myń ton­nalyq eki qurǵaq júk keme­lerin satyp alǵan bolatyn. Bul kemeler búginde «О́z júgi­miz, óz portymyz, óz  flotymyz» qaǵıdasymen as­tyq, metall ónimderi jáne basqa da qur­ǵaq júkter tasymaldaýda. Bıylǵy jyly flot eki jańa kememen –  «Jibek Joly» jáne «Ata­­­­meken» júk kemelerimen to­ly­ǵady. О́tken maýsym aıynda Zag­­reb­te «Qa­zaq­stan temir joly» UK» AQ pre­zıdenti A.Ma­mın men «Ýlıa­­nık» keme jasaý kom­pa­- nııa­synyń bas dırek­tory D.Ro­sanda qazaqstandyq sura­nysqa baılanysty eki jańa parom jasaý týraly kelisimshart­qa qol qoıdy. Osy sharalardy is-júzine asyrý arqyly 2020 jyl­dar­ǵa qaraı qur­­ǵaq júk tasymal­daý floty birligin jıyrmaǵa jetki­zip, Kaspıı aıdynyna Aqtaý por­ty arqyly shyǵatyn qurǵaq júk­tiń 55 paıyzyn tasymaldaýdy qam­tý kózdelip otyr. «Kaspıı teńizi Shyǵys-Batys, Soltústik-Ońtústik halyqaralyq kólik dálizderin baılanystyrýshy ortalyq qana emes, sonymen birge, ol  aımaqtaǵy elderdiń tran­zıttik áleýetin kúsheıtýge yqpal etýde de mańyzdy ról atqa­rady», – dep atap ótti A.Mamın. Reseı Federasııasy kólik mı­nıstriniń orynbasary Vıktor Olerskıı óz kezeginde atalmysh oqıǵany «tarıhı kórshiler Qazaq­stan men Reseı arasyndaǵy tabys­ty ıntegrasııalyq úderis», dep atady. Ol aldaǵy ýaqytta da qazaqstandyq jáne reseılik kom­О́panııalar arasyndaǵy ártúr­li saladaǵy yntymaqtastyq baı­la­nys­tardyń tereńdeı túse­tin­digine senim bildirdi. Kaspıı aımaǵyndaǵy ózara paıdaly yntymaqtastyqty keńeı­­tý jónindegi qadamdar jáne trans­­­kon­tınentaldyq tasy­mal­dar­­dy birlese damytý bar­lyq qaty­­­sý­shylar úshin jańa múm­kindik­­ter ashady. Bıylǵy jyly Neva keme jasaý jáne jóndeý ká­sip­­ornymen árqaısysy 7500 ton­­na­lyq eki kópsalaly qurǵaq júk ke­mesin jasaý jóninde keli­sim­­­ge qol qoıyldy. Joba Eýropa qaı­­­ta qurý jáne damý bankiniń qol­­­­daýymen júzege asyrylyp otyr. Jańa «Jibek joly» qurǵaq júk kemesiniń sýǵa túsirilýine baı­­­la­nysty, onyń bortyna sham­pan syndyrý dástúrin Mahab­bat Bek­­bosynova atqardy. M.Bekbo­sy­nova medısına ǵylym­darynyń doktory, kardıolog. Qa­zirgi kezde ol Astanadaǵy «Ult­tyq ǵylymı kar­dıologııalyq orta­lyq» AQ bas­qarma tóraǵasynyń bi­rin­shi oryn­basary bolyp qyzmet atqarady. Jylqybaı JAǴYPARULY, «Egemen Qazaqstan»