Elbasy Nursultan Nazarbaev Tereza Meıge onyń Ulybrıtanııa jáne Soltústik Irlandııa Birikken Koroldiginiń premer-mınıstri laýazymyna taǵaıyndalýyna baılanysty quttyqtaý jedelhatyn joldady, dep habarlady Prezıdenttiń baspasóz qyzmeti.
Nursultan Nazarbaev Tereza Meıdi Qazaqstan halqynyń jáne jeke óziniń atynan quttyqtady jáne eki eldiń arasynda berik qarym-qatynas ornaǵanyn atap ótti.
«Ulybrıtanııa BUU Qaýipsizdik Keńesiniń turaqty emes músheligine saılaýda Qazaqstannyń kandıdatýrasyn qoldaǵanyn elimiz joǵary baǵalaıdy. Biz ekijaqty seriktestikti eki memleket halyqtarynyń ıgiligi jolynda damyta berýge ázirmiz», – delingen jedelhatta.
Elbasy quttyqtaý sońynda T.Meıdiń jańa qyzmetinde tabysty bolýyna, al Birikken Koroldik halqynyń órkendeı berýine tilektestigin bildirdi.