Gúljıek

  Táýelsizdiktiń 25 jyldyǵyna oraı Taldyqorǵandy túrlentip Qaratal ózeniniń jaǵalaýynan uzyndyǵy 1414 metrge sozyl­ǵan jańa kóshe boı túzedi. Turǵyn­dar­dy qýanyshymen quttyqtaǵan Almaty oblysynyń ákimi Aman­dyq Batalov Astanaǵa qarap boı túzeıtin Taldyqorǵanǵa Qara­tal ózeni erekshe kórik bereti­nin aıta kele, demalys alleıa­sy­nyń shamyn jaqty. Samaladaı jarqyraǵan shamdarmen jarysa otshashýlarǵa kezek berildi. О́zindik qaıtalanbas erek­she­ligi bar bolǵandyqtan osynaý jańa kóshe ári demalys alleıasy saltanatty túrde ashylyp otyr. Onda «Taldyqorǵan keshe, búgin» atty foto jáne qyl­qalam týyndylarynyń kórmesi uıym­dastyryldy. Elimiz­ge tany­mal ánshiler men «Alataý áýen­deri», «Úshqońyr» folk­lor­lyq etnografııalyq án-bı an­sam­bli­niń ónerpazdary óner kórsetti. Jaǵalaýdyń ereksheligi – eresekter men balalardyń erkin serýendep, tynyǵýyna barlyq jaǵ­daı jasalǵan. Oqtaı túzý kósheniń qos qaptalyndaǵy jaıaý júrginshi joly­na tegis tóselgen tas keń kósil­gen kógalmen jarasym tapqan. Tik shan­shyla ósken qaraǵaı, arsha sekil­di qylqan japyraqtylar, arýdaı aq qaıyń, terbelgen kók terek te adam tynysyn keńeıtip, saraıyn asha túsedi. San alýan túspen túrlene tunyp turǵan gúlzarlar qazaqy oıýlardaı qulpyryp adam qolynyń sheberligin aıqyn kórsetedi. Jalpy, jobanyń avtory Sáýlet­shiler odaǵynyń tóraǵasy Aq­myrza Tústem­bekovtiń ıdeıasy bo­ıynsha jaǵalaý alleıasyna jaı­ly oryndyqtar qoıylyp, bala­lar­ǵa arnalǵan oıyn alań­dary, belsendi demalysty jaqsy kóretinder úshin skeıt pen rolldrom jáne qalqandar, shatyrlar ornatylǵan. Sahnalyq alań da ózindik úılesimin tapqan. Jaǵalaýdy jańbyrlata sýarý úshin retimen júrgizilgen qubyrlar, betondalǵan toǵan, jarqyraı janǵan qýat únemdeıtin shamdar, asfalt tóselgen tep-tegis velosıpedshiler joly, «RHINO» fırmasynyń sapaly jab­dyqtary kóp jaıdy ańǵartady. Aqyndar «kúndiz kúmis, tún­de altyn bolyp aǵady», dep te teńeýin asyratyn Qarataldyń Tal­­dy­qorǵan qalasynyń tusy­nan ótetin osy bir tusy taramdana túsip, shaǵyn araldary kóger­shinderdiń sýatyna aınalypty. Beıbitshilik qusykók aspanǵa qalyqtaı kóterilip, oń qaptal­da boı jarystyra ornalasqan kópqabatty úılerge qaraı ushyp barady... Osyndaı qýanyshty taldyqorǵandyqtarǵa tartý etken Almaty oblysynyń ákimi Amandyq Batalov osydan on bes jyl buryn qyzmet babymen Qaratal ózenindegi kópir tusy­na kelgen sátinde jýrnalıs­terge bir-eki shaqyrym jerdegi Tal­dy­qorǵan qalalyq perzenthanasyna deıin sozylǵan jýandyǵy túıeniń belindeı qubyrdy kór­setip: «Osy ashyq dalaǵa kóp­qa­batty turǵan úıler salynyp, Tal­dyqorǵan túrlene túsedi», degen edi. Sonda bos jatqan dalaǵa qarap senerimizdi de senbesimizdi de, bilmegenbiz. Biraq aıtylǵan sóz tasqa basylyp qalǵan edi. Mine, búgin sol sóz júzege asty.  Nurbol ÁLDIBAEV, «Egemen Qazaqstan» TALDYQORǴAN Sýretti túsirgen Rýslan QADYROV