Baýyrlas elmen baılanystar bekı túspek

Keshe Úkimet úıinde Qazaqstan Respýblıkasy Premer-Mınıstriniń birinshi orynbasary Baqytjan Saǵyntaev Premer-mınıstrdiń orynbasary Oleg Pankratov bastaǵan Qyrǵyz Respýblıkasy delegasııasymen kelissózder júrgizdi, dep habarlady Premer-Mınıstrdiń baspasóz qyzmeti. Kezdesý barysynda ekijaqty qarym-qatynastardyń da, sondaı-aq, Eýra­zııalyq ekonomıkalyq odaq formatyndaǵy da túrli má­seleler qaraldy. Taraptar saýda-ekono­mıka­lyq yqpaldastyqtyń túrli as­pektilerin, eki eldiń energııa júıeleriniń turaqty jumysyn qamtamasyz etý máselelerin tal­qylady. Kólik salasynda de­­legasııalar avtomobıl jáne temirjol qatynastaryn damytý úshin kúsh-jiger jumsaýǵa kelisti. Onyń syrtynda Baqytjan Saǵyntaev pen Oleg Pankratov fıtosanıtarlyq talaptar­dy saqtaı otyryp, ózara aýyl­sha­rýashylyq taýarlaryn jet­kizýdi ulǵaıtý múmkin­dikterin, sý jetkizý, kóshi-qon, aýyl sharýa­shylyǵy jáne qorshaǵan ortany qorǵaý máselelerin qaras­tyrdy. Kelissózder barysynda ta­­rap­tar memleketterdiń taý­arlar men qyzmetterdi saýdalaý, kólik, energetıka, týrızm sııaq­ty basym salalardaǵy óz­ara is-qımyldardy odan ári jal­ǵastyrýǵa nıet bildirdi.