[caption id="attachment_51611" align="aligncenter" width="560"] baq.kz[/caption]
Ońtústik Qazaqstan oblysynyń Kásipkerlerge qyzmet kórsetý ortalyǵy qala ákimdiginiń qoldaýymen, «Nur Otan» partııasy OQO fılıalynyń janyndaǵy «Jas Otan» Jastar qanatymen birlesip, jastar arasynda «INNOVATION-2016» bıznes-ıdeıalar baıqaýyn jarııalaıdy.
Baq.kz-tiń málimeti boıynsha, baıqaýdyń negizgi maqsaty áleýmettik turǵydan mańyzdy bolatyn, ozyq tehnologııalardy eldiń áleýmettik-ekonomıkalyq ómirine endire otyryp, jas kásipkerlerdiń bıznes bastamalaryn qoldaý bolyp tabylady.
Baıqaýdyń qorytyndysy boıynsha eń úzdik degen 10 jobaǵa 2 mln. teńge kóleminde qarjylaı syılyq tabys etilmek. Sonymen qatar, árbir bıznes-ıdeıaǵa quny 200 myń teńge bolatyn sertıfıkat úlestiriledi. Baıqaýǵa 18-29 jas aralyǵyndaǵy jastar qatysa alady.
Aıdar О́RISBAEV