Portýgalııa quramasynyń shabýylshysy ári kapıtany Krıshtıaný Ronaldý fýtboldan Eýropa chempıony atanǵany úshin alǵan aqshalaı syılyǵyn qaıyrymdylyq qoryna berdi. spletnik.ru portalynyń jazýynsha, ol chempıon atanǵany úshin alǵan 275 myń eýrony túgelimen rakpen aýyratyn balalarǵa aýdaryp jibergen.
Eske sala keteıik, Krıshtıaný óz komandasynyń Chempıondar lıgasynda jeńiske jetkeni úshin alǵan qarjylaı bonýsyn da osylaı jumsap, 456 myń eýro aqshasyn tutasymen úkimettik emes uıymdarǵa aýdaryp jibergen bolatyn.
Portýgalııa quramasynyń lıderi Eýro-2016-nyń Fransııa komandasymen ótken fınaldyq kezdesýiniń birinshi taımynda sol tizesiniń ishki qaptaldaǵy sińiri sozylyp ketkendikten, oıyndy odan ári jalǵastyra almaı, alańnan ketýge májbúr bolyp edi. Alaıda, komandanyń qalǵan oıynshylary osydan keıin tas-túıin bolyp oınap, aqyr sońynda alań ıeleriniń qaqpasyna ekstra taımnyń 109-mınýtynda Ederdiń gol soǵýymen jeńiske jetip edi.
Damır QOJAMQUL