Aqparattar aǵyny

Qazatomónerkásip pen qy­taı­lyq kompanııalar atom salasyndaǵy yntymaq­tas­tyqty nyǵaıtýda. Kom­pa­nııa­lar basshylary birlesken Qazaqstan-Qytaı jobalaryn odan ári júzege asyrý, sondaı-aq elimizdiń atom salasyna ınvestısııa tartý máselelerin talqylady. Bıylǵy jarty jylda Qa­zaq­stan boıynsha tran­zıttik poıyz kóle­mi 13 pa­ıyz­ǵa artty. Jańa­dan ashylǵan Sha­l­qar-Beı­neý, Jez­qaz­ǵan-Sekseýil, Arqa­lyq-Shubarkól temirjol jelileri­men alty aıda 5 mıl­lıon tonna júk jiberilgen. EKSPO-2017 kórmesine daıyndyq aıasynda Astana­da fızıka boıynsha halyq­ara­lyq ǵylymı konferensııa ótýde. Atalmysh konferensııa ınersııaldy termoıadrolyq sıntezdi energııany damytýdyń jańa baǵyttaryn zertteý máse­le­leri boıynsha jumys isteýde. Jarty jylda Astana-Shýche avtojolynan 533 mln. teńgeden astam qarjy jınaldy. 2016 jyldyń birinshi jarty jyldyǵynda júıege 1 mln. 200 myń avtokóliktiń ótkeni tir­kelgen. Bul 2015 jyldyń osy kezeńimen salystyrǵanda, kólik aǵyny 2,8 paıyzǵa art­qanyn kórsetedi. Almaty oblysynyń kásipkerlerine 3 aı ishinde 578 mln. teńgege qoldaý kór­setildi. Toqsan ishinde «Damý» qory kásipkerlerdiń nesıe­lerin sýbsıdııalaý boıynsha 34 kelisimshartqa qol qoıdy. Sony­men qatar, kepildik berý boıyn­sha somasy 510 mln. teńge bo­la­tyn 29 kelisimshart maquldandy. Ońtústik Qazaqstan obly­­sy­nyń delegasııasy Malaı­zııada IT-tehno­lo­gııa­lar­dy engizý tájirıbesimen tanys­ty. Atalǵan iskerlik sa­par­dyń negizgi maqsaty ob­lys­tyń ekonomıkasyna Malaı­zııa ınvestorlaryn tartyp, iske qosylǵan jobalarmen tanysý bolatyn. Qaraǵandy oblysynyń kásip­kerleri «Damý» qory arqyly 484,6 mln. teńge­niń nesıesine ıe boldy. «Bıznes­tiń jol kartasy – 2020» baǵdar­la­­masynyń júzege asyrylýy­nan bastap sýbsıdııalaý boıyn­sha Aımaqtyq úılestirý keńe­sin­­de jalpy somasy 102,8 mlrd. teń­geniń 657 jobasy maquldanǵan. Habarlar Úkimet, oblystyq ákimdikter saıttary, «QazAqparat» agenttigi, «Habar» telearnasy materıaldary boıynsha daıyndaldy