«Nur Otan» partııasy Tóraǵasynyń birinshi orynbasary M.A.Qul-Muhammedtiń 2016 jyly 18 shildedegi Almatyda bolǵan qaıǵyly oqıǵaǵa qatysty Úndeýi

  Qurmetti otandastar! «Nur Otan» partııasy Almatyda terrorıs­terdiń qolynan qaza tapqan qurbandar­dyń týǵandary men ja­qyndaryna qaıǵylaryna ortaqtasyp, kóńil aıtady. Memleket basshysy eldi dúrliktir­gen qan­dy oqıǵaǵa oraı Qaýipsizdik ke­ńe­siniń shuǵyl oty­rysyn ótkizdi. Onda Elbasy Alma­ty­­da já­ne búkil eli­miz boıynsha qaýip­siz­dik­ti qam­tama­­­syz etýge qatysty naqty tap­syrmalar berdi. Prezıdent qazirgi tańda «qaýeset taratý­shylardyń jolyn kesip, arandatýshylardy anyqtaý mańyzdy» ekenin atap ótti. Par­tııamyzdyń Tóraǵasy: «Tártipti retke kel­tirý úshin eń qatań sharalar qabyldanyp jatqanyna halyq senimdi bolýǵa tıis», – dedi. Memleket basshysynyń málimde­mesin tolyǵymen qoldaı otyryp, biz adamger­shilik­ten ada osynaý terrorlyq aktini jasaǵan qandyqol qylmyskerler barsha Qazaqstan halqyna qarsy shyqty dep sanaımyz. Terrorıster qatań jazalanýy tıis. Olar bizdiń birtutas qoǵamǵa qaýip tóndirip, úreı týǵyzýdy kózdedi. Biraq, lańkesterdiń bul áreketterinen túk te shyqqan joq. Almatydaǵy qaıǵyly oqıǵa qazaqstan­dyq­tardy odan ári biriktire tústi. Birlik, beıbitshilik jáne turaq­tylyq – bizdiń elimiz­diń basty qundy­lyqtary. Bul qasıetti uǵymdarǵa esh­kimniń syzat túsirýine quqy joq. Qarapaıym halyqtyń qaýipsizdigi úshin ózderin qurban etken antyna adal polısııa qyzmetkerleri – Qazaq­stannyń naǵyz batyrlary. Olar­dyń erlik áreketteri ójettilik pen erjúrek­tiliktiń jáne Otany men týǵan halqyna adal qyzmet etýdiń jarqyn úlgisi bolyp qala beredi. Qazaqstan halqy lańkestikke joı­qyn toıtarys beredi. Bul qylmyskerlerdiń ózderin musyl­manbyz dep ataýǵa esh quqy joq. О́ıt­keni, olar adam óltirip, eń aýyr kúnáni arqalady. Olardyń qanquıly áre­ketteri eshqandaı aqtap alýǵa kel­meı­di jáne ol múmkin de emes. «Nur Otan» partııasy barlyq qazaq­standyqtardy terrorızmge qarsy birigýge shaqyrady. Qazaqstan halqy elimizdegi bul qasirettiń tamyryna tek birlik pen birtutas­tyq arqyly balta shaba alady. Qazirgideı qıyn jaǵdaıda azamat­tary­myz­dyń qaıǵyny bólisip, yntymaq pen tatýlyq tanytýy – sonyń aıqyn dáleli.