[caption id="attachment_52066" align="aligncenter" width="560"] egemen.kz[/caption]
Búgingi tańda prokýratýranyń shtat sany 5,5 myńnan asady, degenmen, sonyń ózinde 180 bos laýazym bar, dep habarlady Bas prokýratýranyń baspasóz qyzmeti.
«Men ózimizdiń maqsatymyzdy tereńinen ashyp aıtaıyn, ol – úmitkerlerdiń eń úzdigin irikteý bolyp tabylady. Qazirgi kezde qalyptasqan júıeni eskere otyryp, bas prokýror osy jyldyń sáýir aıynda qyzmetke qabyldaýǵa moratorıı jarııalady. Kadr qyzmetiniń aldyna keleshek prokýrordy sapaly túrde baǵalaýǵa jáne «adamı faktorlardy» boldyrmaýǵa múmkindik beretin tásilderdi irikteý júıesine tez arada engizý týraly mindet qoıdy, – dedi Bas prokýratýranyń kadr jumysy departamentiniń bastyǵy Aleksandr Ogaı. – Bul máselede bizge Nazarbaev Ýnıversıteti, sonymen birge PricewaterhouseCoopers, Deloitte ı Ernst & Young LLP tárizdi attary álemge tanymal konsaltıngtik kompanııalar ǵylymı jáne ádistemelik kómek kórsetti. Sondaı-aq olar bizge kandıdattardy baǵalaý úshin ózderiniń sarapshylaryn usynyp otyr».
Qoldanystaǵy erejege sáıkes prokýratýraǵa qyzmetke qabyldaý prosesi 2 kezeńnen turady: birinshisi – irikteý, bul kezeńde kandıdat zańnama boıynsha test tapsyrady, medısınalyq komıssııadan jáne ulttyq qaýipsizdik organdarynyń arnaıy mindetti tekserýinen ótedi.
Ekinshi kezeń – konkýrs, munda kandıdatpen aldyn ala áńgimelesý júrgiziledi jáne ol 10 jumys kúni ishinde taǵylymdamadan ótedi. Osy taǵylymdamanyń barysynda jetekshi bergen túrli tapsyrmalardy oryndaı otyryp, is júzinde óziniń basqa úmitkerlerden artyqshylyǵyn dáleldeýge múmkindik alady.
Taǵylymdamanyń tájirıbelik mańyzy eskerilip, oryndalǵan tapsyrmalardyń nátıjesi boıynsha kandıdatty neǵurlym jan-jaqty baǵalaý maqsatynda jańa tásilderdi engizýge sheshim qabyldandy. Olar: óziniń ómirlik tájirıbesin jazý; esse jazý; keıstik (ahýaldyq) tapsyrmalardy sheshý; psıhologııalyq testileý jáne psıhologpen áńgimelesý.
Bul tapsyrmalar taǵylymdamanyń alǵashqy kúni prokýratýralardyń arnaıy bólmelerinde oryndalatyn bolady, ol jerde beıne jáne dybystyq jazba júrgiziledi. Kez-kelgen elektrondyq qurylǵylardy jáne «shpargalka» paıdalanýǵa tyıym salynady. Oryndalǵan jumystar plagıatqa tekseriledi, oryndaý prosesi kompıýterdiń jáne kadr qyzmeti ókiliniń baqylaýynda bolady.
Aıdar О́RISBAEV
[caption id="attachment_52067" align="aligncenter" width="560"] prokuror.gov.kz[/caption]