Bilim berý salasynda jasalǵan zertteýlerdiń qorytyndysy boıynsha, oqý aqysy 38 myń dollarmen eń qymbat el – AQSh, al 4 myń 500 dollarmen eń arzan el Qazaqstan ekeni anyqtaldy.
Shetelde bilim alý týraly zertteýlerimen tanymal «Akare» kompanııasy 40-qa jýyq elde ýnıversıtettik bilim, jataqhana jáne stýdentterdiń ómir súrýge jumsaıtyn shyǵyny turǵysynan qymbat elderdiń AQSh, Kanada, Shvesııa, Avstralııa ekenin anyqtady. Zertteý boıynsha AQSh ýnıversıtetterinde bilim alýdyń jyldyq quny keminde 23 myń dollar, jataqhana men ómir súrý shyǵyny 15 myń dollar, al Kanadada bul kórsetkishter 20 jáne 14 myń, Shvesııada 20 jáne 12 myń, Avstralııada 13,5 myń jáne 4,5 myń dollarǵa teń.
Zertteýdiń nátıjesinde, shetelde bilim alý jóninen eń arzan eldiń 4,5 myń dollarmen Qazaqstan ekeni anyqtaldy. Memlekettik ýnıversıtetterde jyldyq oqý aqysy 500 dollardan bastalatyn Qazaqstanda bir stýdenttiń jataqhana jáne qosymsha shyǵyndaryna jyl saıyn 4 myń dollar jumsalady. Qazaqstanmen qatar Norvegııa, Fransııa jáne Almanııada oqý aqysy tómen bolyp shyqty.
Qazaqstannan keıin 6 myń dollarmen Bosnııa-Gersegovına, 7,5 myń dollarmen Grýzııa jáne 8 myń dollarmen Reseı tur. Bosnııa-Gersegovına, Grýzııa jáne Ýkraınada oqý aqysy 2,5 myń dollardan bastalsa, jatyn orny men tamaqtanýǵa jyl saıyn ketetin shyǵyn kólemi 5 myń dollarǵa jýyqtaıdy. Kanadada jyldyq oqý aqysy – 20 myń, Avstralııada – 12 myń, Shvesııada – 11 myń jáne Egıpette 10 myń dollarǵa jetip jyǵylady.
Stýdentterdiń jataqhana men ózge de shyǵyndary turǵysynan AQSh, Ulybrıtanııa, Danııa elderi eń qymbat, al Qazaqstan eń arzan el bolyp jarııalandy. Salystyrý úshin: Egıpette bul kórsetkish 5 myń, Úndistanda 16,5 myń, Qytaıda 12,5 myń jáne Malaızııada 10 myń dollardan bastalady.
Oqýǵa jumsalatyn shyǵyndardy esepke alǵanda Túrkııaǵa qaraǵanda Eýropada bilim alǵan birshama tıimdi ekeni anyqtaldy. Aǵylshyn tildi AQSh, Ulybrıtanııa, Kanada sııaqty elderge qaraǵanda, Batystyń basqa elderinde bilim alǵan arzanyraq bolyp shyqty.
Túrkııanyń «Húrrııet» gazeti,
2016 jylǵy 12 shilde