Aqparattar aǵyny

● Qazaqstannyń halyq­ara­lyq rezervi 2016 jyldyń 1 shildesindegi jaǵdaı boıynsha 96,2 mlrd. dollardy qurady. 2016 jylǵy qańtar-mamyr­da ekonomıkaǵa ekinshi deń­geıli bankterdiń jańadan ber­gen nesıeleriniń kólemi 3,7 trln. teńgeni qurady, bul – ót­ken jyl­dyń sáıkes kezeńimen sa­lys­tyrǵanda 6,7 paıyzǵa artyq. ● Bıyl aýyl sharýa­shy­lyǵynyń jalpy ónimi 2,7 paıyzǵa ósti. Al qaıta óńdeý salasyndaǵy ósim 2,8 paıyzdy qurap otyr. Sondaı-aq, mal basynyń 3,4 paıyzǵa artqany baıqalady. ● Elimizde táýelsizdik jyldarynda polıomıelıtpen syrqattaný kórsetkishi 5 esege deıin tómendedi. Densaýlyq saqtaý jáne áleýmettik damý mı­nıstr­liginiń málimeti boıynsha, 2011 jyldan beri respýblıkada birde-bir polıomıelıt jaǵdaıy tirkelmegen, al 1991 jyly 5 jaǵdaı tirkelgen bolatyn. ● Saǵatyna 200 shaqy­rym jyldamdyqpen júre alatyn «KZ4AT» elektrovozy Kıik-Moıynty jol teliminde synaqtan ótkizildi. Jańa úlgi­­­degi bir seksııaly kóp min­det­ti atqara alatyn lokomotıv Qazaq­stan temirjolynda rekord­tyq jyl­damdyqpen júrip ótti. Sy­naq­qa qatysqan lokomotıv brıgadasy jańa elektrovozdyń múm­kindigin joǵary baǵalady. ● Ońtústik Qazaqstan ob­lysynyń dıqandary búgin­ge deıin 600 myń tonnaǵa jýyq kókónis pen baqsha ónimderin jınady. Oblystan negizinen eksportqa kartop, kókónis, baqsha, bıdaı, un, balyq jáne balyq ónimderi, ósimdik maıy, qus eti jáne maqta talshyqtary shyǵarylady. ● Jambyl oblysynda shyǵarylatyn sút ónimderi res­p­ýb­­lıkanyń barlyq aıma­ǵyn­da suranysqa ıe. Jergi­likti halyqtan taza sútti qabyl­dap, odan sary maı, irimshiktiń birneshe túrin óndiretin jáne al­kogolsiz «Dıýshes», «Býratıno», «Kvas» syndy sý­syn­­­dar­dy shyǵaratyn bul meke­­me­­de 15 jumysshy qyzmet etedi. ● Bıyl Soltústik Qazaq­stan oblysynda qurylys kólemi 5,8 paıyzǵa ósti. 38,4 myń sharshy metrdi quraıtyn 289 páter paıdalanýǵa berildi. 2016 jyldyń qańtar-maýsym aılarynda engizilgen turǵyn úı kólemi 121,8 paıyzdy qurady. ● Aqtóbede quny 1,3 mlrd. teńge bolatyn Jastar sara­ıy­nyń qurylysy júrip jatyr. Oblys ákimdigi men «SNPS-Aqtóbemunaıgaz» 2016 jylǵa ózara yntymaqtastyq jóninde memorandýmǵa qol qoıdy. Qujatty óńir basshysy Berdibek Saparbaev pen «SNPS-Aqtóbemunaıgaz» AQ Bas dırektory Van Szıýnjen bekitti. Habarlar Úkimet, oblystyq ákimdikter saıttary, «QazAqparat» agenttigi, «Habar» telearnasy materıaldary boıynsha daıyndaldy