Almatydaǵy Qazaqstan Respýblıkasy Prezıdentiniń Arhıvinde ashylǵan «Táýelsiz Qazaqstan tarıhyndaǵy partııalyq qurylys» atty tarıhı-qujattamalyq kórmege kelýshiler sórege qoıylǵan sýretterden halyq pen bılik arasyndaǵy tyǵyz baılanystyń kýási ispetti áser aldy. – Saıası sharanyń ótýine «Saıası partııalar týraly» Qazaqstan Respýblıkasy Zańynyń qabyldanýynyń 14 jyldyǵy sebepshi boldy. Táýelsiz Qazaqstannyń 25 jyldyq mereıtoıy men Elbasy Nursultan Nazarbaevtyń Bes ınstıtýttyq reformasyn oryndaý boıynsha «100 naqty qadam» – Ult Josparyn júzege asyrý sheńberinde ótkizilip otyrǵan kórmege elimizge tanymal saıasatkerler men memleket qaıratkerleriniń, jas urpaq ókilderiniń jınalýy sonyń aıqyn dáleli, – dedi bizge bergen suhbatynda Prezıdent Arhıviniń Jınaqtaý jáne qujattama basqarmasynyń bas sarapshysy Quralaı Qabdolova. Jurtshylyqqa kórmege qoıylǵan tarıhı qujattardyń tarıhy týraly qysqasha baıandalyp, naqty ári aıǵaqty túsiniktemeler berildi. Tarıhı qujattar leginiń arasynda el Prezıdenti Nursultan Nazarbaevtyń 1999 jyly respýblıkalyq «Otan» (Otchızna) partııasy Ortalyq atqarý apparatynyń bastaýysh partııa uıymynyń atyna ózin partııa músheligine qabyldaýy týraly jazǵan ótinishi, Halyq Qaharmany, ǵaryshker-ushqysh Talǵat Musabaevtyń Halyqaralyq ǵarysh stansasyndaǵy partııanyń týyn kótergen qyzyqty sýreti sııaqty basqa da mazmundy fotoderekter kelýshilerdiń nazaryn ózine eriksiz aýdartty. Búgingi taqyryptyń mazmunyn ashyp, tushyndyratyn derekti fılm kórsetildi. Qujattar tanystyrylymynan keıin Qazaqstan Respýblıkasy Prezıdenti Arhıviniń dırektory, tehnıka ǵylymdarynyń doktory, professor Borıs Japarov sharaǵa jınalǵan halyq aldynda bylaı dedi: – Qazaqstan Prezıdentiniń Arhıvi – Qazaqstannyń saıası tarıhynyń arhıvi. Keńes zamanynda bul ǵımaratta partııa tarıhy ınstıtýty boldy. 1917 jyly Keńes dáýiri ornaǵannan bastap, keshegi ydyraǵanyna deıingi, Qazaqstannyń 1991 jyly táýelsizdik alǵannan bastap, kúni búginge deıingi kezeńdi qamtıtyn saıası-tarıhı qujattardyń barlyǵy osynda saqtalǵan. Táýelsizdik alǵan soń Qazaqstan kóppartııalyq júıege kóshti. 25 jyl ishinde partııa qurylysynda qyrýar jumystar atqaryldy. Ondaǵan partııalar quryldy. Olardyń árqaısysynyń tarıhy árqalaı bolyp qalyptasty. Demokratııalyq elde kóppartııalyq júıeniń bolýy – zańdy qubylys. О́ıtkeni, kóppartııalyq júıe – halyq pen bılik arasyndaǵy altyn kópir. Sondyqtan kópshilik nazaryna usynylyp otyrǵan tarıhı qujattarymyz tarıhı shynaıy shejire dep oılaımyn. Kórmege «Nur Otan» partııasy men onyń Tóraǵasy N.Á.Nazarbaevtyń qyzmetine baılanysty fotoqujattar keńinen usynylypty. Árbir saıası partııalardyń árbir kezeńderdegi jetekshileri Oljas Súleımenov pen Ǵanı Qasymovtyń, Ánýar Álimjanov pen Azat Perýashevtyń jáne basqalarynyń fotosýretteri men tarıhı qujattary kórmege ár berip turdy. Dóńgelek ústel basynda fılosofııa ǵylymdarynyń doktory Ábdimálik Nysanbaev, «Nur Otan» partııasy Almaty qalalyq fılıaly tóraǵasynyń orynbasary Juldyz Omarbekova, «Nur Otan» partııasynyń ardageri, Qazaqstan halqy Assambleıasynyń múshesi, fılosofııa ǵylymdarynyń doktory Qazaqbaı Qasymov, Qazaqstan Respýblıkasy Prezıdenti janyndaǵy Qazaqstan strategııalyq zertteýler ınstıtýtynyń Almaty bólimshesiniń jetekshisi, saıasattanýshy Mádına Nurǵalıeva jáne basqalary partııa tarıhyna baılanysty kókeıde júrgen pikirlerin ortaǵa saldy, Qazaqstandaǵy partııa qurylysy tarıhyna baılanysty qyzyqty áńgime órbitti. Qazaqstan Respýblıkasy Prezıdenti Arhıviniń qorlarynan partııalyq qurylys týraly arhıvtik materıaldardyń kóbi jurtshylyqtyń nazaryna alǵash ret usynyldy. Talǵat SÚIINBAI, «Egemen Qazaqstan» ALMATY Sýretti túsirgen avtor