Qarasaı aýdanyndaǵy «Madmar» jylyjaıyna tıesili 4 ga aýmaqty alyp jatqan jemis-jıdek alańqaıynan kún kózi ashyq bolsa táýligine 9 tonna, bultty bolsa 4 tonna ónim alynady. Negizinen, jylyjaıda qııardyń 3 sorty gollandııalyq tehnologııamen kompıýterlik basqarý arqyly tamshylatyp sýǵarý ádisi boıynsha ósiriledi. Bıyl salat japyraǵy men qyzanaq ta qosymsha egildi. Kókónister jándikter jiberý arqyly bıologııalyq túrde zııankesterden tazartylyp otyrady. Daıyn ónim Almatydaǵy «Altynorda» bazary men Reseıge jóneltiledi. Jylyjaıda 100 adam jumyspen qamtylyp, aı saıyn ortasha 60-70 myń teńge aralyǵynda eńbekaqy alady.
Nurbol ÁLDIBAEV,
«Egemen Qazaqstan»
Almaty oblysy,
Qarasaı aýdany