Qolaıly jaǵdaı jasaý qajet

Elbasy Premer-Mınıstrdiń orynbasary – Aýyl sharýashylyǵy mınıstri Asqar Myrzahmetovti qabyldady, dep habarlady Prezıdenttiń baspasóz qyzmeti. Kezdesýde A.Myrzahmetov Mem­­­le­ket basshysyna elimizdiń agro­óner­­kásip kesheniniń negizgi damý kór­set­kishteri, kóktemgi egis naý­qany­nyń qorytyndylary, son­daı-aq, kúzgi jıyn-terim jumys­­tary­na daıyndyq barysy týraly baıandady. Nursultan Nazarbaev jıyn-terim naýqanyna sapaly daıyndalý jáne ótkizý úshin qolaıly jaǵdaı jasaý qajettigin atap ótti. Sonymen birge, Prezıdent aýyl sha­rýa­­shylyǵyndaǵy eń­bek ónim­­­di­­ligin, salanyń eksport­tyq áleýe­­­tin ul­ǵaıtýdyń jáne aýyl tur­ǵyn­­­dary­nyń jumys­pen qam­ty­lýyn art­­tyrýdyń mańyz­dylyǵyna toqtaldy. A.Myrzahmetov bıyl aýyl sharýa­shylyǵynda egis alqap­tary byltyrǵy deńgeımen salys­tyr­ǵanda 448 myń gektarǵa artyp, 21,6 mln. gektarǵa jetkenin málim­dedi. Jıyn-terim jumys­tary­na daıyndyq aıasynda Úkimet tıis­ti sharalar qabyldady, sonyń ishin­de agrarlyq kásiporyndar jalpy quny 60 mıllıard teń­gege nesıe­len­dirildi, aýyl sharýa­shy­lyǵy ónimin óndirýshiler úshin janar-jaǵar­maı qunyn arzandatý máselesi qamta­masyz etildi. Elbasy kezdesý qorytyndysy boıynsha birqatar naqty tapsyrma berdi.