«Jasyl» ekonomıkanyń jaqsylyǵy kóp

«Jasyl» ekonomıka – básekege qabiletti elder úshin ekonomıkalyq damýdyń birden-bir úlgisi bolýy tıis. Qazaqstannyń «jasyl» ekonomıkany damytýǵa nazar aýdarýynyń basty sebebi osyǵan baılanysty. QazMedıa ortalyǵynda brıfıng ótkizgen BUU Damý baǵdarlamasy qyzmetkerleri osylaı dedi. Qazaqstan Prezıdenti janyn­daǵy «Jasyl» ekonomıkaǵa kóshý jónindegi keńestiń 4-shi oty­rysynda Úkimet basshysy Kárim Másimov aldaǵy ýaqytta «jasyl emes» jobalardy qarjy­lan­dyrý qıyndaıtynyn, «qońyr» eko­no­mıkaly elderdiń jahan­dyq eko­nomıkadan birtindep shet­teı beretini týraly aıtqan bola­tyn. BUU Damý baǵdarlamasy qyz­met­kerleriniń aıtýynsha, búgin­de elimizde tabıǵı r­esýrs­tar­dy paı­dalanýdyń tıimdiligin art­tyrý, eski ınfraq­ur­ylym­dar­dy jańartý, qorshaǵan ortany qor­ǵaý syndy baǵyttarda naqty ju­mys­tar júzege asyrylyp jatyr. – «Jasyl» ekonomıka talap­taryn saqtaý arqyly halyq­tyń ıgiligin arttyrý kerek. Osy jolda BUU Damý baǵdarlamasy álem­niń 170-ten astam elderinen jınaqtalǵan damý tájirıbesin Qazaqstanmen bólisedi, – deıdi BUU DB turaqty ókiliniń keńes­shisi Irına Gorıýnova. Onyń aıtýynsha, qazir Qazaqstan halqynyń jartysyna jýyǵy qalalyq jerlerde tursa, 2030 jylǵa qaraı bul kórsetkish 66 paıyzǵa deıin jetpek. Al qalalyqtardyń kóbeıip, aýyl halqynyń azaıýy qorshaǵan ortaǵa jasalatyn keri áserdi de kúsheıtedi. Sol úshin alda­ǵy ýaqytta shaharlarda, ásirese, óner­kásibi damyǵan, ekolo­gııasy kóńil kónshit­peıtin, halqy kóp qalalarda ekolo­gııalyq taza kólik­terdi kóbeıtý, «aqyldy» jaryq­pen, jylýmen qamtama­syz etý syndy sharalarǵa basa kóńil bólinedi. Osy jıynda aıtylǵandaı, «jasyl» ekonomıka – azyq-túlik qaýipsiz­digin qalyptastyrýda óte mańyz­dy ról oınaıdy. Máselen, aýyl sharýa­­shylyǵy damyǵan elderdiń tájirıbesine súıe­nip sýdy únemmen paıdalanatyn tehnologııalardy engiz­besek, fermer­lerdiń klımattyq jaǵdaılarǵa beıimdelýine qoldaý kórsetilmese, aldaǵy ýaqytta elimiz­de astyq óndiri­s­inde qıyndyq týyn­daýy ábden múmkin. Birinshiden, astyq óndirisiniń Qazaqstan úshin strategııalyq mańyzy bar. Ekinshiden, Qazaqstannyń astyq eksport­taýshy el ekenin eskersek, bizdiń elde týyndaǵan másele astyq ım­port­taıtyn elder úshin de yńǵaısyz­dyq týǵyzady. Al zamanaýı jasyl tehno­logııalardy qoldaný astyq óndirisiniń kólemin qazirgi kórsetkishten anaǵurlym arttyrýǵa múmkindik beredi. Arnur ASQAROV, «Egemen Qazaqstan»