Astana qalasy ishki ister departamentiniń basshylyǵy men jeke quramy Almaty qalasyndaǵy qaıǵyly oqıǵalardyń saldarynan qaza tapqan áriptesteriniń otbasylaryna qarjylaı kómek kórsetý týraly sheshim qabyldady. Osyǵan oraı elordalyq ishki ister departamentiniń basqarý quramy qaza tapqan polıseıler: polısııa kapıtany Baýyrjan Nurmuhanbetov, polısııa kishi serjanty Maqsat Sálimbaev pen polısııa starshınasy Aıan Ǵalıevtyń otbasylarynyń shotyna bir kúndik jalaqylaryn aýdardy.
Sonymen qatar, elordalyq 60-tan astam polısııa qyzmetkeri 20 lıtrge jýyq qan tapsyrdy. Bul basshylyq pen polısııa qyzmetkerleriniń erikti túrde qan tapsyrý aksııalaryna alǵash qatysýy emes. «Osyndaı ıgi aksııaǵa qatysa otyryp, biz eń aldymen kómekke zárý jandarǵa kómektesýge, qyzmettik mindetin atqarý kezinde jaralanǵan áriptesterimizge barynsha járdemdesýge tyrysamyz», deıdi olar. Búgingi is-shara da osynyń aıqyn dáleli, dep habarlady Astana qalasy IID baspasóz qyzmeti.