[caption id="attachment_52296" align="aligncenter" width="560"] Foto: gottstat.com[/caption]
Qytaıdyń Shanhaı qalasynda shaǵyn gıdroushaq apatqa ushyrady. Bortyndaǵy 10 adamnyń 5-i opat boldy.
gordonua.com aqparyna sáıkes, B-10FW ushaǵy avtokólik kópirine baryp soǵylǵan. Qutqarýshylar der kezinde kómek kórsetip úlgerdi. Alaıda, 5 adam aýrýhanada qaıtys boldy. Al bir adam jansaqtaý bóliminde jatyr. Zardap shekkenderdiń arasynda jergilikti telearnanyń operatory men reporteri de bolǵan.
Bul gıdroushaqtyń alǵash ret kókke kóterilgeni eken. Jańa amfıbııa-ushaǵy jolaýshylar tasymaldaý úshin arnalǵan. Al onyń jalpy quny 4,5 mıllıon dollardy quraıdy.
Apattyń neden bolǵany ázirge belgisiz. Arnaıy top oqıǵa ornynda tergeý jumystaryn júrgizip jatyr. Oqys jaǵdaı jergilikti ýaqyt boıynsha saǵat 12:15 shamasynda bolǵan eken. Ol Szınshan aýdanynan Chjoýshan qalasyna baǵyt alǵan.
Aıan ÁBDÝÁLI