[caption id="attachment_52409" align="aligncenter" width="560"] inform.kz[/caption]
Almatyda quqyq qorǵaýshylarǵa qarýly shabýyl jasaǵan kúdikti Rýslan Kúlekbaevtyń budan ózge de qylmystarǵa qatysy anyqtalyp jatyr.
Baq.kz-tiń málimeti boıynsha, sotqa deıingi tergeý jáne keshendi jedel-izdestirý sharalary aıasynda Rýslan Kúlikbaevtyń taǵy tórt qarýly qaraqshylyq shabýylǵa jáne eki urlyqqa qatysy bar-joǵy tekserilip jatyr.
«Kúlikbaevtan jaýap alý barysynda onyń jalǵyzbasty áıelder men jalǵyz júrgen jolaýshylarǵa shabýyl jasaǵany anyqtaldy. Ol ádette óziniń qurbandaryn bazarlar men dúkenderdiń mańynan torýyldaıtyn bolǵan. Osylaısha, ol egde jastaǵy bir áıelge shabýyl jasap, azyq-túligi bar dorbasy men 100 myń teńgesin tartyp alǵan. Al taǵy bir áıeldi tonaǵanda 500 myń teńgesin qoldy qylǵan», – dep habarlady Almaty qalalyq ishki ister departamentiniń baspasóz qyzmeti.
Aıta keteıik, buǵan deıin kúdikti eki ret isti bolǵan. 2010 jyly ol Shymkent qalasynda bazar satýshysyn soqqyǵa jyǵyp, 115 myń teńgesin tartyp alǵan, al eki jyldan keıin qarý-jaraqty zańsyz saqtaǵany úshin jaýapqa tartylǵan.
Aıdar О́RISBAEV