Amerıkanyń Mıssýrı shtatyndaǵy Kanzas-Sıtı qalasynda turatyn Daneshı Kaých esimdi 20 jastaǵy kelinshek 26 aıdyń ishinde úsh ret egiz baladan tapqan. The Huffington Post gazetinde jazylǵandaı, áıeldiń alǵashqy juptaǵy bir balasy kúni buryn qoldan jasalǵan tolǵaqtyń saldarynan shetinep ketken. Al qalǵan bes balasy túgel aman-esen ósip jatyr.
Mundaı tań qalarlyq jaǵdaıdy qazir árkim árqalaı tarazylap jatqan kórinedi. Solardyń arasynda muny fızıologııalyq aýytqýshylyq sanaıtyndar da bar. Biraq buǵan jas kelinshek kelise qoımaıdy. «Taǵy birqatar kisiler bul jaǵdaıdy tabıǵattyń keremet qubylysy retinde de baǵalap otyr», deıdi ol.
Amerıkalyq qara násildi áıel egiz balalarynyń ákesine qyrkúıek aıynda turmysqa shyǵatyn bolyp otyr eken. Aıtýynsha, Kaých kezekti márte ekiqabat bolýǵa ázir qumar bolyp turǵan joq.
Kelinshek otbasynyń qarjydan tapshylyq kórip kele jatqandaryn da jasyrmady. Sondyqtan bul jup bes balany asyrap-baǵý úshin Gofundme alańynda qarjy jınaý beketin ashyp qoıypty. Olar osy habar jarııalanǵanǵa deıin 1,3 myń dollar jınap úlgeripti.
Murat AITQOJA