Portýgalııanyń burynǵy premer-mınıstri Antonıý Gýterrısh BUU Qaýipsizdik keńesinde ótken BUU Bas hatshylyǵyna saılaýdyń birinshi raýndynda kósh bastap keledi.
Interfax.ru aqparyna qaraǵanda, qazir BUU –nyń bosqyndar jónindegi joǵarǵy ókili Antonıý Gýterrısh osy daýys berýde Slovenııanyń burynǵy prezıdenti Danılo Týrkten azdaǵan artyqshylyqpen basyp ozǵan.
Jańa Bas hatshyny BUU Qaýipsizdik keńesiniń músheleri saılaıdy. Bul másele boıynsha daýys berý beısenbi kúni júrgizildi. Ol jabyq esik jaǵdaıynda birneshe aı boıy júretin bolady.
BUU Bas hatshysy laýazymyna qazir alty er kisi men bir áıel talasyp jatyr. Olar qazirgi Bas hatshy Pan Gı Mýndy almastyrady. Buryn bul qyzmetti eshqashan áıel adam atqarmaǵan eken.
Qaýipsizdik keńesiniń turaqty músheleri (Reseı, AQSh, Fransııa, Ulybrıtanııa jáne Qytaı) árbir kandıdatýraǵa veto qoıa alady. Sonymen birge, Qaýipsizdik keńesiniń músheleri óz eliniń shyqqan úmitkerge daýys bere almaıdy.
Túpkilikti tańdaýdy BUU Bas Assambleıasy jasaıdy.
Murat AITQOJA