Úndistanda eriktiler bir táýlikte 50 mıllıon kóshet otyrǵyzdy. Eldi abattandyrýǵa arnalǵan aksııaǵa qarapaıym halyqtan bastap, memlekettik sheneýnikterge deıin bas-aıaǵy 800 myńnan astam adam atsalysypty.
2013 jyly Pákistandaǵy 850 myńǵa tarta aǵash otyrǵyzylǵan shara Gınnestiń rekordtar kitabyna engen edi. Úndistandyqtar olardy áldeneshe ese basyp ozyp, rekordtar kitabyn jańartyp otyr.
– Jýyrda Parıjde ótken halyqaralyq konferensııada Úndistan 2030 jylǵa deıin jasyl jelekti aımaqtardyń aýmaǵyn 95 mıllıon gektarǵa ulǵaıtý týraly mindettemeni moınyna aldy. Osy shara úshin 6,2 mıllıard dollar qarajat ta bólindi. Biz búgingi sharany ótkizý arqyly sol mindettememizdi oryndaýǵa tyrystyq,– deıdi aksııany úılestirýshi Akhylesh Iаdav.
Úndistannyń Gvalıhor, Allahabad, Patna, Raıpýr, Lýdhıana jáne Delı qalalary álemniń eń las qalalarynyń alǵashqy ondyǵyna kiretinin aıta ketý kerek.
Nurtóre SAMARQAN