nege apatqa ushyrady?
Eń qaýipsiz degen «Tesla Motors» kólikteriniń ózi apatqa ushyraı bastady. Jaqynda AQSh-tyń Montana shtatynda osymen úshinshi apat tirkelgennen keıin kompanııa ókilderi túsinikteme berýge májbúr boldy.
«Tún ishi bolǵanyna qaramastan, júrgizýshi kólik rólin ustamaı, jibere salǵan. Bulaı jasaýǵa bolmaıdy, júrgizýshi qarańǵy ýaqytta jáne nashar joldarmen júrgende róldi ustap otyrýy tıis. Avtopılotty tek keń joldarda, kúndizgi ýaqytta qoldanǵan jón. Ekinshiden, kólik tizginindegi qytaı azamaty apat aldynda basqarý júıesi birneshe márte eskertý jasaǵanyn aıtyp otyr. Alaıda, júrgizýshi aǵylshynsha bilmeıtindikten, ony túsinbegen», dep habarlady kompanııa ókilderi.
«Tesla Motors» bıylǵy jyly 90 myń elektr kóligin satýdy josparlaǵan bolatyn. Alaıda, birinen keıin biri bolǵan úsh apattan keıin satylym tómendep ketipti. Bloomberg agenttiginiń habarlaýynsha, kompanııa jyl sońyna deıin 79 myńnan artyq kólik sata almaıdy.
Aıbyn AQPATShA