Gazet redaksııasyna jáne Ulttyq Bankke Qaryzdardy qaıta qarjylandyrý baǵdarlamasyna qatysty kóptegen suraqtar kelip túsedi. QR UB qarjylyq qyzmetterdi tutynýshylardyń quqyqtaryn qorǵaý jónindegi mamandary solardyń ishinde eń kóp qoıylatyn suraqtarǵa jaýap daıyndady. «Eger qaryz alýshyda 2015 jylǵy 1 qańtardaǵy jaǵdaı boıynsha bir bankte negizgi boryshynyń jalpy somasy 36 470 000 teńgeden asatyn eki jáne odan da kóp qaryzy bolǵan jaǵdaıda, qaryzdardy qaıta qarjylandyrýǵa bola ma?» – Qaryz alýshy qaryzy (qaryzdary) baǵdarlama talaptaryna sáıkes kelgen jaǵdaıda qaıta qarjylandyrylýǵa tıis. Bul rette negizgi boryshynyń jalpy somasy 36 470 000 teńgeden aspaıtyn qaryzdar qaıta qarjylandyrýǵa jatady. О́z kezeginde, eger bir qaryz basqa qaryzdarmen qosylǵanda 36 470 000 teńgeden assa, onda qosylǵanda kórsetilgen somadan aspaıtyn qaryzdar qaıta qarjylandyrylady. «Qaryz alýshyny baǵdarlama boıynsha qaıta qarjylandyrý kezinde bank úshinshi tulǵanyń qosymsha kepilzatyn talap etýge quqyly ma?» – Baǵdarlamanyń áleýmettik baǵytyn eskersek, bank qaryz boıynsha qosymsha kepilzatyn talap etýge quqyly emes. «Tórtinshi balasy 2015 jyly týylǵan qaryz alýshynyń kredıti «halyqtyń áleýmettik turǵydan osal toby» sanaty boıynsha qaıta qarjylandyryla ma?» – Baǵdarlamanyń áleýmettik baǵytyn eskersek, mundaı qaryzdar baǵdarlama sheńberinde osy sanat boıynsha qaıta qarjylandyrylýǵa tıis.