Otbasyna on toǵyzynshy perzent keldi
Ulybrıtanııa ǵana emes, álemniń kez kelgen elindegi otbasy úshin 19 bala týyp, tárbıeleý – óte sırek kezdesetin qubylys. Sondaı oqıǵa Anglııada turatyn erli-zaıyptylar Noel jáne Sıý Redfordtardyń otbasynda boldy.
Jasy qazir 41-degi Sıý eń alǵashqy balasyn 14 jasynda dúnıege ákelgen eken. Onyń tuńǵyshy búginde 27-ge tolǵan. Al úlken qyzdary Sofı 22 jasynda úsh balaly bolyp úlgerip otyr. Olar qazir jıyrmasynshy perzenttiń bolý múmkindigin de joqqa shyǵarmaıdy.
Iranda velosıped mingen áıel qamalady
Iranda ruqsat etilmegen jerde velosıped aıdap júrgen qyz-kelinshekter birden qamaýǵa alynatyn boldy.
Parsy eli Merıvana qalasynyń soltústik-batys jaǵynda osylaısha birneshe názik jynysty temir tordyń ar jaǵynan bir-aq shyqty. Polısııa ókiliniń málimdeýinshe, úkimet áıelderdiń qoǵamdyq oryndarda velosıped tebýlerine úzildi-kesildi tyıym salǵan. Endi parsy hanymdary tek ózderi úshin belgilengen jerlerde ǵana «shaıtan arbany» zyrlata alady.
Ulyna «Qasqyr» degen at berý qıyndyqqa aınaldy
Ispanııanyń Fýenlabrada qalasynda turatyn erli-zaıypty Ignasıo men Marııa budan birneshe aı buryn týǵan uldaryna áli ózderi oılaǵan esimdi bere almaı otyr.
Buǵan olardyń balaǵa ıspan tilinen aýdarǵanda, «qasqyr» degen maǵyna beretin «Lobo» ataýyn bergisi kelgenderi sebep bolǵan. Jergilikti bılik buǵan ruqsat bermeı qoıǵan. Endi alǵan betterinen qaıtpaǵan jubaılar qol jınaýǵa kirisipti. Eger olar ózderin qoldaǵan daýys jınaı alsa, osy esimdi uldaryna bere alady eken.
Ǵalymdar las sýdan aýyz sý daıyndaıdy
AQSh-tyń Sent-Lýıs qalasyndaǵy Vashıngton ýnıversıtetinde qyzmet etetin úndi ǵalymdary óte qatty lastanyp ketken sýdyń ózin taza aýyz sýǵa aınaldyrýdyń tásilin oılap tapty.
Oqymystylar jamaǵatynyń anyqtaýlary boıynsha buǵan kún, aýa jáne grafen oksıdi tárizdi úsh faktor ǵana kerek. Olar grafenniń negizinde kún sáýlesiniń kómegimen áreket etetin erekshe súzgi jasap shyǵarǵan. Al kómirteginiń, sýtegi men otteginiń qospasy bolyp tabylatyn grafennen alynǵan súzginiń áserinen sýdyń quramy tez ózgere bastaıtyn kórinedi.
Smartfon arqyly nekelesti
Italııanyń Joǵarǵy soty alǵash ret smartfonnyń kómegimen skaıp arqyly úılengen pákistandyq jigit pen ıtalııalyq qalyńdyqtyń nekelerin zańdy dep tanyp otyr. Qalyńdyq pen jigit óz elderinde birin-biri tek skaıp arqyly kórip turyp, barlyq rásimderdi onlaın-rejimde oryndaǵan.
Alaıda, kóp keshikpeı Italııanyń ishki ister mınıstrligi sotqa atalǵan nekeni zańsyz dep taný jóninde shaǵym joldaǵan. Sýdıa eki jastyń bir-birimen erikti túrde úılengenin eskerý kerek ekenin alǵa tartyp nekeni buzýdan bas tartqan. Sonymen qatar, sot tıisti zańnamalar shańyraq kóterýshi jastardyń bir-birimen betpe-bet kezdesýin talap etpeıtinin eskergen.
Anglııada aralardyń da
óz oteli bar
Ulybrıtanııada selolyq eldi mekenderde júrip jatqan ózgerister saldarynan quryp ketýdiń aldynda turǵan aralardy saqtap qalý úshin olarǵa arnalǵan otelder daıyndaldy.
Munyń arhıtektýrasyn jergilikti kompanııanyń tapsyrysy boıynsha Teılor Harrogeıt esimdi maman jasady. Ol daıyndaǵan oteldi dala ǵana emes, qalaǵa da ornatyp qoıýǵa bolady. Sonymen birge, qazir aranyń qalalyq jerlerdegi úles salmaǵy kóp ekeni de anyqtaldy.
Barselonada ıtter úshin jaǵajaı salyndy
Ispanııanyń Barselona qalasynyń bıligi birneshe jylǵy josparlaý men qurylys jumystarynan keıin aqyry ıtterge arnalǵan jaǵajaı salyp berdi.
Qalanyń jergilikti qumdaýytty jaǵajaıynyń alys túkpirinde paıda bolǵan meken arnaıy qabyrǵamen qorshalǵan. Onda jurt ıtterin alyp kelip qydyrtyp, sýǵa shomyldyra alady. Memlekettik qurylymdardyń bul úshin bólgen aýmaǵy 1 250 sharshy metr jerdi quraıdy. Terrıtorııa, sondaı-aq, qazirgi zamanǵy ıtter pıssýarlarymen, sýburqaqtarmen jáne dýshtarmen jabdyqtalǵan.
Aqparat agenttikteriniń materıaldary boıynsha daıyndaldy