Atyraýda bir jas jigit kóshede, jurttyń kóz aldynda ózine ózi pyshaq saldy. Insıdent 30 shilde, senbi kúni qaladaǵy «Rahat» shaǵyn aýdanynda oryn alǵan.
Kóz kórgender sol sátte bolǵan oqıǵany vıdeoǵa túsirip alyp, ony Instagram-daǵy paraqshalaryna jarııalaǵan. «Bir er kisi ózin ózi jaryp jibermek boldy! Shamasy, ómir súrýden jalyqqan-aý!», dep jazdy olar rolıktegi mátinderinde.
Vıdeo kadrlarynan jartylaı sheshinip alǵan jas jigittiń aldymen pyshaqpen óziniń ishinen tartyp ótkeni, sosyn tamaǵyn oryp jibermek bolǵany kórinip tur.
Keıin oblystyq ishki ister departamentindegiler bolǵan oqıǵaǵa túsindirme berdi. Teksere kelgende, belgisiz ekeýdiń qalanyń bir turǵynyn uryp-soǵyp, uıaly telefony men 15 myń teńgesin tartyp alǵany anyqtaldy. Zardap shegýshi osyǵan baılanysty qalalyq ishki ister basqarmasyna shaǵym jazady.
Kelesi kúni oblys ortalyǵyndaǵy bazarlardyń biriniń kúzetshileri eki jigittiń uıaly telefon satpaqshy bolyp júrgenderin habarlaıdy. Kúzetshiler tártip saqshylary kelgenshe kúdiktilerdi ustap turady. Olardyń biri sol kezde qoldan sytylyp shyǵyp ketip, báki men pyshaqqa uqsas bir zatty tamaǵyna taqap, polıseılerden janyna jaqyndamaýdy talap etedi. Osy qarbalasty paıdalanyp qalǵan eki kúdikti sodan soń qashyp ketedi. Keıinirek olardyń biri qaıta qolǵa túsedi. Al jurt aldynda ózin baýyzdap tastamaq bolǵany qazir izdestirilip jatyr.
Tártip saqshylary eki kúdiktiniń de kimder ekenin anyqtady. Olardyń ústinen qylmystyq is qozǵaldy.
Joldasbek ShО́PEǴUL
https://youtu.be/wIKZXddXLXM