[caption id="attachment_54029" align="aligncenter" width="560"] Foto: syrboyi.kz.[/caption]
Múlikti jarııa etý naýqany bastalǵannan beri Oral qalasynda 883 mıllıon teńgeniń múlki jarııa etildi.
Oral qalasy ákimdigine múlikti jarııa etý jónindegi komıssııaǵa 3 400-den astam adam júgingen. inform.kz aqparyna sáıkes, barlyǵy 1,32 mıllıard teńgeniń múlkin jarııa etý týraly ótinish túsken.
Aıta keteıik, 2014 jyly 30 maýsymda «Qazaqstan Respýblıkasynyń azamattaryna, oralmandarǵa jáne Qazaqstan Respýblıkasynda turýǵa yqtııarhaty bar adamdarǵa olardyń múlikti jarııa etýine baılanysty raqymshylyq jasaý týraly» zańy qabyldanǵan.
Bul zań memlekettiń múlikti, onyń ishinde buryn jarııaly ekonomıkalyq aınalymnan shyǵarylǵan aqshany jarııa etý jónindegi birjolǵy aksııa ótkizýine baılanysty, sondaı-aq Qazaqstan Respýblıkasy azamattarynyń, oralmandardyń jáne Qazaqstan Respýblıkasynda turýǵa yqtııarhaty bar adamdardyń tabystary men múlkin deklarasııalaýǵa baılanysty qoǵamdyq qatynastardy retteıdi. Málimetterge sáıkes, zań 2014 jyldyń 1 qyrkúıeginen bastap, 2016 jyldyń 31 jeltoqsanyna deıin kúshinde.
Temir QUSAIYN