[caption id="attachment_54039" align="aligncenter" width="560"] Foto: interfax.ru[/caption]
Túrkııa bıligi ıslam ýaǵyzshysy Fetkýllah Gıýlenmen baılanysy bar degen aıyppen 1389 áskerı qyzmetkerdi jumysynan bosatty.
Osyǵan deıin habarlanǵandaı, sátsiz aıaqtalǵan memlekettik tóńkeriske 66 myń adamnyń qatysy bolǵan. interfax.ru aqparyna sáıkes, olardyń 44 myńy bilim berý salasynda qyzmet etken.
О́tken juma kúni memlekettiń ishki ister mınıstri Efkan Ala tergeý jumystary kezinde 18 myń adamnyń qolǵa túskenin málimdegen bolatyn. Sol sııaqty, 50 myń adamnyń pasportyn jaramsyz etti. Osydan birneshe kún buryn atalǵan ýaǵyzshymen baılanysy bar birqatar aqparat quraldaryn jabý týraly sheshim qabyldanǵan.
Aıta keteıik, Túrkııada 16 shildege qaraǵan túni búlikshiler áskerı tóńkeris jasamaq bolǵan. Alaıda, olardyń jospary sátsiz aıaqtaldy. Bılik bul iske Amerıkada turyp jatqan Fetkýllah Gıýlenniń qatysy bar degen málimdeme jasaǵan.
Aıan ÁBDÝÁLI