[caption id="attachment_54079" align="aligncenter" width="560"] Foto: news.rambler.ru[/caption]
Túrkııa prezıdenti Redjep Taııp Erdoǵan áskerı tóńkeris jasaý áreketinen soń eldegi barlyq áskerı ýchılısheniń jabylatyndyǵyn málimdedi. RIA «Novostı» aqparat agenttiginiń habarlaýynsha, olardyń bazasynda ulttyq qorǵanys ýnıversıteti qurylatyn bolady.
«Áskerı ýchılısheler jabylady. Jaqynda bul týraly Resmi gazete basylymynda jarııalaıtyn bolamyz. Olardyń ornyna ulttyq qorǵanys ýnıversıteti qurylady», – dedi Túrkııa prezıdenti.
Aıta keteıik, 16 shildege qaraǵan túni memlekette qarýly tóńkeris jasalmaq bolǵan. Oqys oqıǵa Ankara men Ystanbul qalalarynda oryn aldy. Sońǵy málimetter boıynsha búlikshilerdi eseptemegende 246 adam qaza taýyp, 2 myńǵa jýyǵy túrli jaraqat alǵan.
Aıan ÁBDÝÁLI