«Uly Qytaı qorǵany bir kirpishinen keıin bir kirpishi alynyp, aqyry quryp bitedi», dep habarlady CNN telekompanııasy.
Telearna tilshisi súıenip otyrǵan mánbe boıynsha, osyǵan baılanysty qazir Qytaıda kóne zamandardaǵy qorǵanys bekinisterin qylmystyq dárejede talan-tarajǵa salyp, urlap ketýden qorǵaý jóninde jańa bir naýqan bastalyp ketkenge uqsaıdy.
Solardyń eń aldyńǵy leginde turǵan Uly Qytaı qorǵany ımperııany syrtqy jaýdan, kóshpendiler shabýylynan qorǵaý úshin bizdiń dáýirimizge deıingi úshinshi ǵasyrda salynǵan. Alaıda, qansha tyıym salynǵanyna qaramastan, bul qorǵanǵa jergilikti turǵyndar tarapynan shabýyl jasaý toqtatylmaı keledi. Jurt úı salý úshin onyń kirpishterin kertip alýlaryn qoıatyn emes. Al shetelderden kelgen týrıster ony kádesyı retinde alýǵa qumartyp turady eken. Osylaısha qanshama ǵasyrlardan beri jaýyn men jeldiń, kún men ystyqtyń saldarynan birtindep mújilip kele jatqan ataqty qorǵan adamdar tarapynan da dákki kórýde.
Resmı statıstıkaǵa sáıkes, qorǵannyń 30 paıyzy Mın áýleti kezinde joq bolyp ketipti. Onyń 10 paıyzdan kemdeý aýqymynyń ǵana qazir jaǵdaıy jaqsy kórinedi.
Murat AITQOJA