«Mektepke jol» sharasy bastaldy

 

Jyl saıynǵy «Mektepke jol» respýblıkalyq aksııasy bıyl «Baqytty balalyq shaq aýmaǵy» uranymen tamyzdyń 1-inen qyr­kúıe­k­tiń 30-yna deıingi aralyqta ót­kiziledi. Sharapatty shara turmysy tómen, kópbalaly otbasylardan shyq­qan, jetim jáne ata-anasynyń qamqor­ly­ǵynsyz qalǵan balalarǵa materıal­dyq jáne t.b. kómek kórsetýdi kózdeıdi. «Segiz jyldyń ishinde aksııa aıasynda elordada 42 700 oqýshyǵa barlyǵy 362 mln. 564 myń teńge kóleminde ma­terıaldyq kómek kórsetildi. 2016 jyly jergilikti bıýdjetten az qam­syz­dandyrylǵan otbasylardan shyqqan balalarǵa jappaı oqytý qoryna 159 mln. 557 myń teńge bólindi. №16, 56, 59 mektepterde halyqqa konsýltatıvtik kómek kórsetý úshin qoǵamdyq qabyldaý bólimderi ashylady. 10, 17 jáne 24 tamyzda saǵat 11-den 17-ge deıin atalǵan bólimderge áleý­mettik kómek kórsetý, mek­tepke or­na­lastyrý máseleleri boıynsha júginýge bolady. Sonymen qatar, Kásipkerlik jáne ónerkásip ba­s­qar­ma­sy 20-21 tamyzda ortalyq alańda mektep jármeńkesin uıym­das­tyrady. Jármeńkede mektep formasy, keńse jabdyqtary men oqý­lyq­tar bazardaǵy­dan tómen baǵa­men satylady. Jáne de, «Al­ǵash ret birinshi synypqa», «Otbasy otbasyǵa kómektesedi: balany mektepke jınaımyz», «Balalarǵa birge kómek­tesemiz» qaıy­rym­dylyq sharalary ót­kiziledi. 10 tamyzǵa deıin «Meıirimdi qol» aksııasy boıynsha barlyq iri saýda ortalyqtaryn­da dálirek aıtsaq, «Han Shatyr» saýda oıyn-saýyq ortalyǵy, «Or­­ta­lyq bazar», «Evrazııa» SO jáne t.b. saýda ortalyqtarynda tur­mysy tómen otbasylardan shyq­qan balalarǵa kómektesý úshin mek­tepke qajetti kıim-keshekter men zattar jınaýǵa arnalǵan konteınerler ornatylady», – dedi Bilim jáne ǵylym mınıstrliginiń Balalar quqyǵyn qorǵaý komıteti tóraǵasynyń mindetin atqarýshy Mánshúk Ábdikárim. Búginde Bilim jáne ǵylym mı­­­­nıstr­­ligi elimizdiń barlyq aza­mat­­­taryn – kásipkerlerdi, me­­­se­­n­at­­­tar­dy, qarapaıym adamdar­dy «Mek­tepke jol» aksııasyna qo­sy­­lýǵa shaqyryp otyr. Aksııaǵa qo­­­sy­lý­ǵa nıet bildirýshiler­den Bala­­­­­l­ar qu­qyqtaryn qorǵaý komı­­teti­­­niń telefonyna – 8 (7172) 74-21-40, sondaı-aq oblystardyń, As­ta­na men Almaty qala­larynyń bilim bas­­qar­malaryna habarlasýdy suraı­dy. Raýan QAIDAR, «Egemen Qazaqstan»