Travelbird.nl týrıstik portalynyń sarapshylary álemdegi eń arzan jaǵajaıdy anyqtady. Vetnamnyń Hoıan qalasynyń irgesindegi Kýa Daı jaǵajaıynda sýǵa shomylyp, kúnge qyzdyryný basqa jaǵajaılarmen salystyrǵanda ájeptáýir arzanǵa túsedi eken.
Kýa Daı jaǵajaıynda bir kún demalý úshin qaltańyzda 13,54 dollar bolsa jetkilikti. Osy aqshaǵa kúnnen qorǵaıtyn krem, 1 shólmek sý, syra, balmuzdaq jáne bir adamǵa tústik as pen sýsyn satyp alýǵa bolady eken.
Al álemdegi eń qymbat jaǵajaı Taıtıdegi La Plaje de Maýı jaǵajaıy. Sarapshylardyń aıtýynsha, bul jaǵajaıda demalý úshin keminde 60 dollarǵa shyǵyndanýǵa týra keledi.
Nurhan ASQAR