[caption id="attachment_54442" align="aligncenter" width="560"] facebook.com[/caption]
Búgin Astanada Mádenıet jáne sport mınıstrliginiń uıymdastyrýymen «Sportqa jaqyn bol! Elimizdiń qurama komandasynyń shashbaýyn kóter!» jobasynyń tusaýkeseri ótti.
Oqý-ádistemelik jáne taldaý ortalyǵynyń dırektory Ardaq Tólendın men «Astana» PKSK-nyń sport menedjeri Iýrıı Melnıchenko sóz sóıledi.
«Qazirgi tańda elimizdiń qurama komandasy HHHI jazǵy Olımpııalyq oıyndarǵa qatysý úshin Rıo-de-Janeıroǵa attanyp ketti. Elimizdiń barlyq óńirinen baratyn 104 sportshy jarystyń 26 túri boıynsha Olımpıada júldeleri úshin kúsh synasady. Atalǵan jobanyń baǵyttarynyń biri – halyqqa Qazaqstan sportshylarynyń quramy men «Qazaqstan», Qazsport jáne «Habar» telearnalary usynǵan Olımpıada oıyndarynyń kúndelikti tikeleı kórsetilimder baǵdarlamasymen tanystyrý. Jobanyń ekinshi baǵyty halyq arasynda sportty keńinen nasıhattaý», dedi mınıstrliktiń sport jáne dene shynyqtyrý isteri komıteti tóraǵasynyń mindetin atqarýshy Serik Jarasbaev.
Dene shynyqtyrý jáne sport jónindegi respýblıkalyq oqý-ádistemelik ortalyǵynyń dırektory Ardaq Tólendın jobanyń maqsaty týraly aıta kelip, halyq kóp jınalatyn oryndarda baspa ónimderi úshin aqparattyq taqtalardyń qoıylatynyn, Olımpııalyq oıyndar aıaqtalǵannan keıin de joba jalǵasa beretinin, óıtkeni sportshylar odan keıin de halyqaralyq jarystarǵa qatysatynyn atap ótti.
Búgingi kúni Astanada «Kerýen», «Han-Shatyr», «Mega», «Arýjan», «Azııa Park» saýda-oıyn-saýyq ortalyqtary, ortalyq ámbebap dúkeni, «Ańsar» bıznes ortalyǵy, temirjol vokzaly, «Saparjaı» avtovokzalynda Olımpıadaǵa arnalǵan taqtalar ornatylǵan. Osyǵan baılanysty «Astana» PKSK-nyń sport menedjeri Iýrıı Melnıchenko jobanyń mańyzdylyǵyn atap ótti. Is-shara sońynda jobaǵa qatysqan uıymdarǵa Mádenıet jáne sport mınıstrliginiń alǵys hattary tapsyryldy.
Dastan KENJALIN