Rıo-de-Janeıroda ótip jatqan Olımpııalyq oıyndardaǵy boks týrnıriniń 1/8 fınalynda 91 kg salmaq dárejesindegi qazaqstandyq Vasılıı Levıt qytaılyq Fengkaı Iýmen kezdesip, 2-raýndta aıqyn basymdyqpen jeńiske jetti.
Urys Vasılııdiń aıqyn basymdylyǵymen ótti. Onyń qatty soqqylary qarsylasyn qaıta-qaıta teńseltýmen boldy. Ekinshi raýndta qytaılyq sportshy nokdaýnǵa da túsip qaldy. Al qaptaldaǵy tóreshiler sol kezde esepti 20:17 esebimen qazaqstandyqtyń paıdasyna sheship turdy. Onyń qatty basym ekenin baıqaǵan qarsylas jaqtyń jattyqtyrýshylar shtaby aqyry ortaǵa aq súlgi tastady.
Endi Vasılıı Levıt kelesi juptaǵy Choýaıb Boýloýdınat (Aljır) – Kennedı St Pıerre ekeýiniń qaı jeńgenimen shırek fınalda shaıqasady.
Damır QOJAMQUL