2015 jylǵy 17 shilde, Astana qalasy
«Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti» memlekettik mekemesiniń erejesin bekitý týraly
«Normatıvtik quqyqtyq aktiler týraly» Qazaqstan Respýblıkasy Zańynyń 29-babynyń 1-tarmaǵynyń 6) tarmaqshasyna jáne «Qazaqstan Respýblıkasy Bilim jáne ǵylym mınıstrliginiń máseleleri» Qazaqstan Respýblıkasy Úkimetiniń 2004 jylǵy 28 qazandaǵy №1111 qaýlysyna sáıkes buıyramyn:
1. Qosa berilip otyrǵan «Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti» memlekettik mekemesiniń erejesi bekitilsin.
2. Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti (S.Nıýsýpov) zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasynyń Ádilet mınıstrliginde memlekettik tirkelgennen keıingi kúntizbelik on kúnniń ishinde buqaralyq aqparat quraldarynda jáne «Ádilet» aqparattyq-quqyqtyq júıesinde resmı jarııalaýdy;
3) osy buıryqty Qazaqstan Respýblıkasy Bilim jáne ǵylym mınıstrliginiń ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý Bilim jáne ǵylym vıse-mınıstri T.O. Balyqbaevqa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Bilim jáne ǵylym mınıstriniń
mindetin atqarýshy T.BALYQBAEV.
Qazaqstan Respýblıkasy Bilim jáne ǵylym mınıstri mindetin atqarýshynyń
2015 jylǵy 17 shildedegi № 463 buıryǵymen bekitilgen
«Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy
baqylaý komıteti» memlekettik mekemesiniń erejesi
1. Jalpy erejeler
1. «Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti» memlekettik mekemesi (budan ári - Komıtet) Qazaqstan Respýblıkasy Bilim jáne ǵylym mınıstrliginiń (budan ári - Mınıstrlik) quzyreti sheginde bilim jáne ǵylym salasyndaǵy memlekettik saıasatty iske asyrý jónindegi fýnksııalardy, sondaı-aq onyń quzyretine qatysty saladaǵy baqylaý jáne iske asyrý fýnksııalaryn júzege asyratyn vedomstvo bolyp tabylady.
2. Komıtettiń oblystarda, Astana jáne Almaty qalalarynda aýmaqtyq organdary bar jáne ol mynadaı basqarmalardan turady:
1) personaldy basqarý qyzmeti (kadr qyzmeti);
2) ákimshilik jáne quqyqtyq jumys basqarmasy;
3) lısenzııalaý, nostrıfıkasııalaý jáne apostıldeý basqarmasy;
4) ǵylymı kadrlardy daıarlaý sapasyn baǵalaý basqarmasy;
5) syrttaı baǵalaý basqarmasy;
6) taldamalyq jumys basqarmasy;
7) bilim salasyndaǵy baqylaý basqarmasy;
8) aýmaqtyq organdardyń qyzmetin úılestirý basqarmasy
3. Komıtet óz qyzmetin Qazaqstan Respýblıkasynyń Konstıtýsııasy men Qazaqstan Respýblıkasynyń zańdaryna, Qazaqstan Respýblıkasynyń Prezıdenti men Úkimetiniń aktilerine, Qazaqstan Respýblıkasy ratıfıkasııalaǵan halyqaralyq sharttarǵa, Qazaqstan Respýblıkasynyń Bilim jáne ǵylym mınıstriniń (budan ári - Mınıstr)jáne mınıstrliktiń Jaýapty hatshysynyń buıryqtaryna, ózge de normatıvtik quqyqtyq aktilerge, sondaı-aq osy Erejege sáıkes júzege asyrady
4. Komıtet memlekettik mekeme uıymdyq-quqyqtyq nysanyndaǵy zańdy tulǵa bolyp tabylady, memlekettik tilde óz ataýy bar móri men mórtańbalary, belgilengen úlgidegi blankileri, sondaı-aq Qazaqstan Respýblıkasynyń zańnamasyna sáıkes qazynashylyq organdarynda shottary bolady.
5. Komıtet azamattyq-quqyqtyq qatynastarǵa óz atynan túsedi.
6. Komıtettiń, eger Qazaqstan Respýblıkasynyń zańnamasyna sáıkes osyǵan ýákilettik berilgen bolsa, memlekettiń atynan azamattyq-quqyqtyq qatynastardyń tarapy bolýǵa quqyǵy bar.
7. Komıtet óz quzyretiniń máseleleri boıynsha zańnamada belgilengen tártippen Komıtet basshysy buıryqtar men qaýlylar túrinde quqyqtyq aktiler shyǵarady (memlekettik attestattaýdyń jáne bilim berý uıymdaryn tekserý nátıjeleri boıynsha zańdy jáne laýazymdy tulǵalarǵa qatysty ákimshilik sharalar qoldaný týraly).
8. Komıtettiń jáne onyń aýmaqtyq organdarynyń qurylymy men shtattyq sandaryn Qazaqstan Respýblıkasynyń zańnamalarynda belgilengen tártipke sáıkes Mınıstrliktiń Jaýapty hatshysy bekitedi.
9. Zańdy tulǵanyń ornalasqan jeri: 010000, Astana qalasy, Esil aýdany, Orynbor kóshesi, 8-úı, «Mınıstrlikter úıi» ákimshilik ǵımaraty, 11-kireberis.
10. Memlekettik organnyń tolyq ataýy – «Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti» respýblıkalyq memlekettik mekemesi.
11. Osy Ereje Komıtettiń mártebesi men quzyretin anyqtaıtyn quryltaı qujaty bolyp tabylady.
12. Komıtettiń qyzmetin qarjylandyrý respýblıkalyq bıýdjetten (shyǵystar smetasynan) júzege asyrylady.
13. Komıtetke kásipkerlik sýbektilerimen Komıtettiń fýnksııalary bolyp tabylatyn mindetterdi oryndaý turǵysynda sharttyq qatynastarǵa túsýge tyıym salynady.
Eger Komıtetke Qazaqstan Respýblıkasynyń zańnamalarymen kirister ákeletin qyzmetti júzege asyrý quqyǵy berilse, onda osyndaı qyzmetten alynǵan kirister respýblıkalyq bıýdjettiń kirisine jiberiledi.
2. Komıtettiń negizgi maqsattary (mindetteri), fýnksııalary, quqyqtary men mindetteri
14. Komıtettiń maqsattary (mindetteri):
1) bilim jáne ǵylym sapasyn baqylaý salasynda biryńǵaı memlekettik saıasatty qalyptastyrý;
2) bilim berý qyzmetiniń sapasyn memlekettik baqylaýdy júzege asyrý;
3) memlekettik baqylaý jáne ǵylymı kadrlardy daıarlaý sapasyn arttyrý, sonymen qatar, memlekettik ǵylymı-tehnıkalyq saraptamanyń qorytyndysy, ǵylymı-tehnıkalyq, ınnovasııalyq jobalardy jáne baǵdarlamalardy memlekettik bıýdjetten qarjylandyrýǵa usyný;
4) bilim jáne ǵylym salasynda memlekettik qyzmet kórsetýdiń sapasyn arttyrý jumystaryn uıymdastyrý, bilim jáne ǵylym salasynda memlekettik qyzmet kórsetýdiń normatıvtik quqyqtyq bazasyn jetildirý, bilim jáne ǵylym salasynda memlekettik qyzmet kórsetýdiń sapasyn baǵalaý jáne monıtorıng ótkizý.
15. Fýnksııalary:
1) bilim berý qyzmetin júzege asyrý quqyǵyna lısenzııalardy jáne (nemese) qosymshalardy:
bastaýysh, negizgi orta, jalpy orta bilim berýdiń jalpy bilim beretin baǵdarlamalaryn iske asyratyn zańdy tulǵalarǵa;
tehnıkalyq jáne kásiptik bilim berýdiń, onyń ishinde kásipter men mamandyqtar boıynsha kásiptik baǵdarlamalardy iske asyratyn zańdy tulǵalarǵa;
orta bilimnen keıingi, joǵary, joǵary bilimnen keıingi bilim berýdiń, onyń ishinde mamandyqtar boıynsha kásiptik baǵdarlamalardy iske asyratyn zańdy tulǵalarǵa;
rýhanı bilim berý baǵdarlamalaryn iske asyratyn zańdy tulǵalarǵa berý;
2) menshik nysandary men vedomstvolyq baǵynystylyǵyna qaramastan mynalardy:
mektepke deıingi tárbıe men oqytýdyń, bastaýysh, negizgi orta jáne jalpy orta bilim berýdiń;
arnaıy jáne mamandandyrylǵan bilim berýdiń;
balalarǵa arnalǵan qosymsha bilim berýdiń;
balalar men jasóspirimderge arnalǵan sport boıynsha qosymsha bilim berýdiń;
tehnıkalyq jáne kásiptik, orta bilimnen keıingi bilim berýdiń;
joǵary jáne joǵary oqý ornynan keıingi bilim berýdiń (medısınalyq jáne farmasevtıkalyq bilim berýdi qospaǵanda) bilim berý baǵdarlamalaryn iske asyratyn bilim berý uıymdaryn memlekettik attestattaýdan ótkizý;
3) menshik nysandary men vedomstvolyq baǵynystylyǵyna qaramastan, bilim berý uıymdarynda Qazaqstan Respýblıkasy zańnamasynyń jáne bilim berý salasyndaǵy normatıvtik quqyqtyq aktilerdiń, memlekettik jalpyǵa mindetti bilim berý standarttarynyń oryndalýyn memlekettik baqylaýdy júzege asyrý;
4) baqylaý jáne tekserý is-sharalarynyń nátıjeleri boıynsha 2014 jylǵy 5 shildedegi «Ákimshilik quqyq buzýshylyq týraly» Qazaqstan Respýblıkasy Kodeksiniń 409 (4, 6, 7-bólikteri) 464, 463, 467-baptary boıynsha ákimshilik quqyq buzýshylyq týraly hattamalar jasaý, 84, 409-baptaryna (4 jáne 6-bólikteri), 464-babyna (1-bóligi) sáıkes ákimshilik jaza qoldaný, olardy qozǵaý jáne sot organdaryna berý, sot prosesterine qatysý;
5) zańnamada belgilengen tártippen bilim berý jáne ǵylym uıymdaryna tekserýler júrgizý josparyn ázirleý jáne bekitý;
6) tekseriletin sýbektilerdi tekserýler sanyn, sondaı-aq tekserý paraqtaryna sáıkes anyqtalǵan buzýshylyqtardy jáne olarǵa qoldanylǵan ákimshilik yqpal etý sharalaryn vedomstvolyq esepke alýdy turaqty jáne úzdiksiz negizde júrgizý;
7) Qazaqstan Respýblıkasynyń bilim berý salasyndaǵy zańnamasynyń anyqtalǵan buzýshylyqtaryn uıǵarymda belgilengen merzimde joıý týraly oryndalýy mindetti jazbasha uıǵarymdar berý;
8) ǵylymı jáne (nemese) ǵylymı-tehnıkalyq qyzmet sýbektilerin akkredıtteýden ótkizý;
9) bilim jáne ǵylym salasyndaǵy memlekettik baqylaý boıynsha normatıvtik quqyqtyq aktilerdi ázirleý;
10) Qazaqstan Respýblıkasynyń zańnamasyna qarama-qaıshy keletin jáne eskirgen quqyq normalaryn anyqtaý, olardy iske asyrýdyń tıimdiligin baǵalaý, ózgeristerdi jáne (nemese) tolyqtyrýlardy engizý nemese olardyń kúshi joıyldy dep taný jónindegi sharalardy der kezinde qabyldaý úshin Komıtet ázirlegen jáne (nemese) iske asyratyn zańǵa táýeldi aktilerge qatysty turaqty negizde monıtorıng júrgizý;
11) Komıtettiń aýmaqtyq organdarynyń qyzmetin úılestirý jáne baqylaý;
12) Komıtettiń qyzmet baǵyttary boıynsha Komıtettiń aýmaqtyq organdaryna ádistemelik kómek kórsetý;
13) Qazaqstan Respýblıkasynyń bilim, ǵylym organdary men oqý oryndarynan shyqqan resmı qujattarǵa apostıl qoıý;
14) tıisti qujattardy bere otyryp, sheteldik bilim berý uıymdary bergen bilim týraly qujattardy taný jáne nostrıfıkasııalaý rásimine memlekettik baqylaý júrgizýdi júzege asyrý;
15) sheteldik bilim berý uıymdary bergen bilim týraly qujattardy taný nemese nostrıfıkasııalaý týraly sheshim qabyldaý;
16) ulttyq biryńǵaı testileýdi uıymdastyrý jáne ótkizý;
17) oqý jetistikterin syrttaı baǵalaýdy uıymdastyrý jáne ótkizý;
18) bilim berý sapasyn syrttaı baǵalaý ádisimen bilim berý monıtorıngin júrgizý;
19) qujattardy qabyldaý, qazaq tilin bilý deńgeıin baǵalaý (QAZTEST) boıynsha memlekettik qyzmetter kórsetý standartyn jáne reglamentin ázirleý;
20) dıssertasııalyq keńes týraly úlgilik erejeni ázirleý;
21) ǵylymı dárejelerdi berý jáne ǵylymı ataqtar berý tártibin ázirleý;
22) fılosofııa doktory (PhD) beıini boıynsha doktor ǵylymı dárejelerin berý;
23) joǵary oqý ornynyń jáne ǵylymı uıymdardyń qoldaýhaty boıynsha qaýymdastyrylǵan professor (dosent), professor ǵylymı ataqtaryn berý;
24) memlekettiń atynan belgilengen memlekettik úlgidegi ǵylym kandıdaty jáne doktory, fılosofııa doktory (PhD), beıini boıynsha doktor dıplomdaryn, dosent, qaýymdastyrylǵan professor (dosent), professor attestattaryn berý;
25) PhD doktorlyq dıssertasııalaryn qorǵaý jónindegi dıssertasııalyq keńester qurý jáne olardyń qyzmetin uıymdastyrý, dıssertasııalyq keńester tóraǵalaryn bekitý;
26) ǵylymı dárejeler men ataqtardy berýge arnalǵan attestattaý isterin qaraý jónindegi sarapshylyq keńesterin qurý jáne olardyń qyzmetin uıymdastyrý;
27) aqparattandyrý salasyndaǵy ýákiletti organmen kelisim boıynsha Qazaqstan Respýblıkasynyń zańnamasyna sáıkes memlekettik qyzmetter kórsetý prosesin avtomattandyrýdy jáne ońtaılandyrýdy qamtamasyz etý.
28) aqparattandyrý salasyndaǵy ýákiletti organnyń kelisimi boıynsha memlekettik qyzmet kórsetý prosesin ońtaılandyrýdy qamtamasyz etý.
29) Komıtettiń ókilettiligine jatatyn máseleler boıynsha jergilikti atqarýshy organdardyń qyzmetin baqylaý jáne qadaǵalaý fýnksııalaryn júzege asyrý;
30) ákimshilik quqyq buzýshylyq týraly Qazaqstan Respýblıkasynyń zańnamasymen qarastyrylǵan tártipte habarlaý tártibinde qyzmetti júzege asyratyn bilim berý uıymdarynyń qyzmetin toqtatý;
31) mazmunynda memlekettik qupııalar men zańmen qorǵalǵan ózge de qupııalar bar aqparatty qospaǵanda ruqsattar men habarlamalardyń memlekettik elektrondyq tizilimin jasaý;
32) ruqsattar men habarlamalardyń jumys isteý erejesine sáıkes habarlaý tártibin memlekettik aqparattyq júıe arqyly elektrondyq túrde júzege asyrý;
33) ótinish berýshilerdiń Qazaqstan Respýblıkasynyń zańdarymen, Qazaqstan Respýblıkasy Prezıdentiniń jarlyqtarymen, Qazaqstan Respýblıkasy Úkimetiniń qaýlylarymen belgilengen talaptardy saqtaýyn júzege asyrý;
34) oqýlyqtardy, oqý ádistemelik keshenderdi jáne oqý-ádistemelik quraldardy ázirleý, saraptamadan ótkizý jónindegi jumysty uıymdastyrý jáne baqylaý;
35) memlekettik ǵylymı-tehnıkalyq saraptamanyń ótkizilýin baqylaý;
36) Komıtetke vedomstvolyq baǵynysty uıymdardyń jarǵysyn ázirleý, kelisý jáne bekitý jónindegi jumysty uıymdastyrý;
37) Qazaqstan Respýblıkasynyń zańnamasyna sáıkes vedomstvolyq baǵynysty uıymdarynda bıýdjettik jáne qarjy tártibin baqylaýdy qamtamasyz etý;
38) akkredıtteý organdaryna, onyń ishinde sheteldik akkredıtteý organdaryna qoıylatyn talaptardy jáne olardy tanýdyń tártibin ázirleý, tanylǵan akkredıtteý organdarynyń, akkredıttelgen bilim berý uıymdarynyń jáne bilim beretin oqý baǵdarlamalarynyń tizilimin qalyptastyrý;
39) Qazaqstan Respýblıkasynyń zańdarynda, Qazaqstan Respýblıkasy Prezıdenti men Qazaqstan Respýblıkasy Úkimetiniń aktilerinde kózdelgen ózge de fýnksııalardy júzege asyrý.
16. Quqyqtary men mindetteri:
1) zańnamada belgilengen tártippen memlekettik organdardan, uıymdardan, olardyń laýazymdy adamdarynan qajetti aqparat pen materıaldardy, oǵan qosa memlekettik qyzmetterdi kórsetýge qajetti qujattar men aqparatty suratý jáne alý;
2) Komıtettiń quzyretine kiretin máseleler boıynsha qoldanystaǵy zańnamany qoldaný jóninde túsiniktemeler berý;
3) Komıtet qyzmetkerleriniń biliktiligin arttyrýdy jáne qaıta daıarlaýdy uıymdastyrý;
4) Qazaqstan Respýblıkasynyń 2007 jylǵy 15 mamyrdaǵy Eńbek kodeksiniń jáne memlekettik qyzmet týraly zańnamasynda qarastyrylǵan tártippen qyzmetkerlerdi kótermeleý, olarǵa tártiptik jazalar qoldaný, qyzmetkerlerdi materıaldyq jaýapkershilikke tartý;
5) quzyreti sheginde Qazaqstan Respýblıkasynyń normatıvtik quqyqtyq aktileri men halyqaralyq sharttarynyń jobalaryn ázirleýge qatysý;
6) aýmaqtyq bólimshelerine oryndalýy mindetti nusqaýlar berý;
7) Qazaqstan Respýblıkasynyń ákimshilik quqyq buzýshylyq týraly zańnamasynda kózdelgen tártippen ákimshilik quqyq buzýshylyq týraly isterdi qaraý, olar boıynsha hattamalar jasaý jáne ákimshilik jazalar qoldaný;
8) Qazaqstan Respýblıkasynyń ákimshilik quqyq buzýshylyq týraly zańnamasyna sáıkes oryndamaǵan nemese jazbasha nusqamalaryn tıisinshe oryndamaǵany úshin hattama toltyryp, sot organdaryna joldaý;
9) Qazaqstan Respýblıkasynyń Zańnamasyna sáıkes Komıtettiń quqyqtary men múddelerin qorǵaý maqsatynda sotqa júginý,talap-aryz berý;
10) Qazaqstan Respýblıkasynyń zańnamasymen qoldanystaǵy zańnamalyq aktilerde kózdelgen ózge de quqyqtardy júzege asyrý;
11) Qazaqstan Respýblıkasynyń zańnamasynda belgilengen tártippen Komıtettiń quziretine kiretin máseleler boıynsha jeke jáne zańdy tulǵalardyń ótinishterin, aryzdary men shaǵymdaryn qaraý;
12) Qazaqstan Respýblıkasynyń zańnamalyq aktilerinde belgilengen tártippen, sondaı-aq memlekettik organdardyń kelisimi boıynsha olarmen birlesken aktiler negizinde basqa memlekettik organdarmen, halyqaralyq uıymdarmen, syrtqy ekonomıkalyq jáne ózge de qyzmetke qatysýshylarmen ózara qarym-qatynas jasaý;
13) óziniń quzyretine kiretin máseleler boıynsha Qazaqstan Respýblıkasynyń zańnamalaryn jetildirý jóninde usynystar engizý;
14) Komıtettiń aýmaqtyq organdar qyzmetteriniń nátıjelerin taldaý jáne monıtorıng júrgizý negizinde bilim berý standarttary men mazmunyn jetildirý boıynsha usynystar engizý;
15) normatıvtik quqyqtyq aktilerdiń jobalaryn daıyndaý úshin , sondaı-aq ony mindetterine sáıkes Komıtettiń qabyldaǵan qyzmetin damytý jáne iske asyrý úshin Mınıstrliktiń vedomstvolyq baǵynysty uıymdarynyń qyzmetkerlerin jumysqa tartý;
16) Qazaqstan Respýblıkasynyń zańnamasymen belgilengen tártipte Komıtettiń quzyreti sheginde máselelerdi anyqtaý úshin úkimettik emes uıymdardy, ǵylymı jáne ózge de, onyń ishinde sheteldik uıymdardy, ǵylymı mamandardy jumysqa tartý;
17) Komıtettiń quzyreti sheginde konsýltatıvtik-keńestik jáne saraptaý organdaryn qurý (keńester, sonyń ishinde ǵylymı etıka jáne antıplagıat boıynsha, komıssııalar,toptar,alqalar)
18) vedomstvolyq baǵynysty uıymdarǵa, respýblıkalyq memlekettik qazynalyq kásiporyndarǵa qatysty memlekettik menshiktik quqyq sýbektisiniń fýnksııasyn júzege asyrý, respýblıkalyq menshiktegi aksıonerlik qoǵamdarda (seriktestikterde) memlekettik aksııa toptamasyn (qatysý úlesin) ıelený jáne paıdalaný;
19) Komıtettiń negizgi baǵyttaǵy qyzmeti boıynsha Alqa otyrysyn ótkizý;
20) apatty jáne úsh aýysymdy mektepterge monıtorıng júrgizý;
21) memlekettik qyzmetter standarttarynyń qoljetimdiligin qamtamasyz etý;
22) memlekettik qyzmetterdi kórsetý boıynsha memlekettik qyzmetterdi kórsetý tártibi týraly tutynýshylardy aqparattandyrý;
23) memlekettik qyzmetti kórsetý salasyndaǵy ýákiletti organdarǵa tıisti aqparat usyný;
24) Qazaqstan Respýblıkasynyń zańnamasyna sáıkes ózge mindetterdi júzege asyrý.
3. Komıtettiń qyzmetin uıymdastyrý
17. Komıtet basqarylýyn tóraǵa júzege asyrady, júktelgen mindetterdiń oryndalýyna jáne onyń fýnksııalaryn júzege asyrýyna jeke jaýapty.
18. Komıtettiń tóraǵasyn Qazaqstan Respýblıkasynyń Premer-Mınıstriniń jáne Prezıdent Ákimshiligi Basshylyǵynyń kelisimi boıynsha Mınıstr laýazymǵa taǵaıyndaıdy jáne laýazymnan bosatady.
19. Komıtet tóraǵasynyń usynymy boıynsha, Mınıstrliktiń Jaýapty hatshysynyń kelisiminen keıin, Mınıstr jáne Premer-Mınıstr laýazymǵa taǵaıyndaıtyn jáne bosatatyn orynbasarlary bolady.
20. Komıtet tóraǵasy aýmaqtyq organdardyń basshylaryn jáne orynbasaryn Mınıstrdiń jáne Jaýapty hatshynyń kelisimi boıynsha taǵaıyndaıdy jáne laýazymdarynan bosatady.
21. Komıtet tóraǵasynyń ókilettigi:
1) óz orynbasarlarynyń, sondaı-aq aýmaqtyq organdardyń basshylary men basshynyń orynbasarynyń mindetteri men ókilettikterin anyqtaıdy;
2) Komıtettiń qurylymdyq bólimsheleriniń basshylary men qyzmetkerleriniń mindetteri men ókilettikterin anyqtaıdy;
3) Qazaqstan Respýblıkasynyń zańnamasyna sáıkes vedomstvoǵa qarasty uıymdardyń dırektorlary jáne dırektordyń orynbasarlary Komıtet qyzmetkerlerin laýazymǵa taǵaıyndaıdy jáne laýazymnan bosatady;
4) Qazaqstan Respýblıkasynyń zańnamasynda belgilengen tártipke sáıkes kótermeleıdi, Komıtet jumysshylaryn, aýmaqtyq organdardyń basshylaryn jáne basshylarynyń orynbasarlaryn Komıtet tóraǵasynyń orynbasarlaryn qospaǵanda sonymen qatar tártip jónindegi jazalar salady Komıtet tóraǵasynyń orynbasarlaryn qospaǵanda Komıtettiń tártiptik, attestasııalyq jáne konkýrstyq komıssııalarynyń qyzmetine jalpy basshylyqty júzege asyrady, Qazaqstan Respýblıkasy memlekettik qyzmetshileriniń ar-namys kodeksiniń, eńbek jáne oryndaýshylyq tártiptiń saqtalýyna baqylaý jasaıdy jáne personaldy basqarý qyzmetine (kadr qyzmeti)jetekshilik etedi;
5) Qazaqstan Respýblıkasynyń zańnamasynda belgilengen tártippen Komıtet qyzmetkerlerin, aýmaqtyq organdardyń basshylary men basshynyń orynbasaryn issaparǵa jiberý, eńbek demalysyn berý, materıaldyq kómek kórsetý, daıarlaý (qaıta daıarlaý), biliktiligin arttyrý, kótermeleý, ústemaqy tóleý, syılyqaqy berý máselelerin sheshedi;
6) Ákimshilik jaza qoldaný boıynsha Komıtet quqyqtyq aktiler men sheshimder shyǵarady jáne óz quzyretine kiretin máseleler boıynsha, Komıtettiń jáne onyń aýmaqtyq organdarynyń barlyq qyzmetkerleri úshin mindetti bolyp tabylatyn suraqtar boıynsha nusqaý beredi;
7) Komıtettiń Reglamentin bekitedi;
8) Komıtettiń jáne onyń aýmaqtyq organdarynyń qurylymdyq bólimsheleri týraly erejelerdi bekitedi;
9) ákimshilik jáne quqyqtyq jumys máselelerine jetekshilik etedi;
10) Qazaqstan Respýblıkasynyń qoldanystaǵy zańnamasyna sáıkes ózge memlekettik organdarda jáne ózge de uıymdarda Komıtettiń atynan ókildik etedi;
11) sybaılas jemqorlyqqa qarsy kúresti kúsheıtýge baǵyttalǵan sharalardy qabyldaý jumysyna basshylyq jasaıdy, qyzmetkerlerdiń sybaılas jemqorlyqqa qarsy zańnamalar talaptaryn saqtaýyn qamtamasyz etedi;
12) Qazaqstan Respýblıkasy Prezıdentiniń 2005 jylǵy 3 mamyrdaǵy № 1567 Jarlyǵymen bekitilgen Qazaqstan Respýblıkasynyń memlekettik qyzmetshileriniń ar-namys kodeksin, atqarýshylyq jáne eńbek tártibin ustanýyn baqylaıdy
13) Qazaqstan Respýblıkasynyń Ákimshilik quqyq buzýshylyq týraly zańnamasynyń 84, 409 (4 jáne 6 tarmaqtaryna) sáıkes bilim berý salasyndaǵy ýákiletti organnyń quziretine jatqyzylǵan baptar boıynsha ákimshilik quqyq buzýshylyq týraly ákimshilik jaza qoldanady,olardy qozǵaıdy jáne sot organyna beredi,sot prosesterine qatysady;
14) Qazaqstan Respýblıkasy zańdary men Qazaqstan Respýblıkasy Prezıdentiniń aktilerine sáıkes ózge de ókilettilikti júzege asyrady.
Komıtet tóraǵasynyń ókilettigin (belgilengen mindetterdi bólýge sáıkes) ony almastyratyn nemese Komıtet tóraǵasymen belgilengen tulǵa júzege asyrady.
4. Komıtettiń múlki
22. Komıtettiń zańnamada kózdelgen jaǵdaılarda jekelengen múlikti jedel basqarý quqyǵy bar.
Komıtettiń múlki oǵan menshik ıesi bergen múlik, sondaı-aq óz qyzmeti nátıjesinde satyp alynǵan múlik (aqshalaı kiristerdi qosa alǵanda) jáne Qazaqstan Respýblıkasynyń zańnamasynda tyıym salynbaǵan ózge de kózder esebinen qalyptastyrylady.
23. Komıtetke bekitilgen múlik respýblıkalyq menshikke jatady.
24. Eger zańnamada ózgeshe kózdelmese, Komıtet ózine bekitilgen múlikti jáne qarjylandyrý jospary boıynsha ózine bólingen qarajat esebinen satyp alynǵan múlikti óz betimen ıelikten shyǵarýǵa nemese oǵan ózgedeı tásilmen ıelik etýge quqyǵy joq.
5. Komıtetti qaıta uıymdastyrý jáne taratý
25. Komıtetti jáne onyń aýmaqtyq organdaryn qaıta uıymdastyrý jáne taratý Qazaqstan Respýblıkasynyń zańnamasyna sáıkes júzege asyrylady.
Buıryq Qazaqstan Respýblıkasynyń Ádilet mınıstrliginde 2015 jylǵy 21 tamyzdaǵy Normatıvtik quqyqtyq kesimderdi memlekettik tirkeýdiń tizilimine №11921 bolyp engizildi.