2016 jylǵy 22 qańtar, Astana qalasy
«Úzdik pedagog» ataǵyn berý qaǵıdalaryn bekitý týraly» Qazaqstan Respýblıkasy Bilim jáne ǵylym Mınıstriniń 2015 jylǵy 16 qańtardaǵy № 12 buıryǵyna ózgeris pen tolyqtyrýlar engizý týraly
buıyramyn:
1. «Úzdik pedagog» ataǵyn berý qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2015 jylǵy 16 qańtardaǵy № 12 buıryǵyna (Normatıvtik quqyqtyq aktilerdi memlekettik tirkeý tiziliminde № 10279 bolyp tirkelgen, Qazaqstan Respýblıkasy normatıvtik quqyqtyq aktileriniń «Ádilet» aqparattyq-quqyqtyq júıesinde 2015 jylǵy 5 naýryzda jarııalanǵan) mynadaı ózgeris pen tolyqtyrýlar engizilsin:
buıryqtyń kirispesi mynadaı redaksııada jazylsyn:
«Bilim týraly» Qazaqstan Respýblıkasy Zańynyń 5-babynyń 8-6) tarmaqshasyna sáıkes buıyramyn:»;
mynadaı mazmundaǵy 22 jáne 23-tarmaqtarmen tolyqtyrylsyn:
«22. Jergilikti atqarýshy organdar ozyq pedagogıkalyq tájirıbeni taratý maqsatynda «Úzdik pedagog» konkýrsynyń jeńimpazdary týraly oblystyq, aýdandyq (qalalyq) baspasóz konferensııalaryn, brıfıngter, teleradıo baǵdarlamalar sıklyn uıymdastyrady jáne ótkizedi.
23. Oblystyq, aýdandyq (qalalyq) ádistemelik kabınetter «Úzdik pedagog» ataǵy ıegerleriniń ozyq pedagogıkalyq tájirıbesin jarııalaý, jınaqtaý jáne taratý boıynsha jumystar júrgizedi, onlaın sabaqtar, semınarlar, sheberlik synyptaryn uıymdastyrady. Biliktilikti arttyrý ortalyqtary «Úzdik pedagog» respýblıkalyq konkýrsynyń jeńimpazdaryn pedagogıka kadrlarynyń biliktiligin arttyrý kýrstaryn uıymdastyrýǵa jáne ótkizýge tartady.».
2. Mektepke deıingi jáne orta bilim, aqparattyq tehnologııalar departamenti (J.A. Jontaeva) zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqtyń kóshirmesin Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasy normatıvtik quqyqtyq aktileriniń etalondyq baqylaý bankinde ornalastyrý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy;
3) osy buıryqty Qazaqstan Respýblıkasy Bilim jáne ǵylym mınıstrliginiń ınternet-resýrsynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin on jumys kúni ishinde Qazaqstan Respýblıkasy Bilim jáne ǵylym mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Bilim jáne ǵylym vıse-mınıstri E.N. Imanǵalıevke júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Bilim jáne ǵylym mınıstri
A. SÁRINJIPOV
Buıryq Qazaqstan Respýblıkasynyń Ádilet mınıstrliginde 2016 jylǵy 22 aqpanda Normatıvtik quqyqtyq kesimderdi memlekettik tirkeýdiń tizilimine №13158 bolyp engizildi.