2016 jylǵy 26 qańtar,Astana qalasy
«Kásiptik daıarlyq deńgeıin baǵalaý jáne tehnıkalyq jáne qyzmet kórsetetin eńbek kásipteri (mamandyqtar) boıynsha biliktilikti berý qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2012 jylǵy 18 maýsymdaǵy № 281 buıryǵyna ózgerister engizý týraly
«Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 20) tarmaqshasyna sáıkes buıyramyn:
1. «Kásiptik daıarlyq deńgeıin baǵalaý jáne tehnıkalyq jáne qyzmet kórsetetin eńbek kásipteri (mamandyqtar) boıynsha biliktilikti berý qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2012 jylǵy 18 maýsymdaǵy № 281 buıryǵyna (Normatıvtik quqyqtyq aktilerdi memlekettik tirkeý tiziliminde № 7796 bolyp tirkelgen, «Egemen Qazaqstan» gazetiniń 2012 jylǵy 1 tamyzdaǵy № 442-449 (27523) sanynda jarııalanǵan) mynadaı ózgerister engizilsin:
taqyryby mynadaı redaksııada mazmundalsyn:
«Bilikti jumysshy kadrlardyń kásipteri (mamandyqtary) boıynsha kásiptik daıarlyq deńgeıin baǵalaý jáne biliktilikti berý qaǵıdalaryn bekitý týraly»;
Tehnıkalyq jáne kásiptik jáne orta bilimnen keıingi bilimniń kásipteri (mamandyqtary) boıynsha kásiptik daıarlyq deńgeıin baǵalaý jáne biliktilikti berý qaǵıdalary osy buıryqtyń qosymshasyna sáıkes redaksııada mazmundalsyn.
2. Kásiptik-tehnıkalyq jáne orta bilimnen keıingi bilim departamenti (D.J. Qalenova) zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqtyń kóshirmesin Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasynyń normatıvtik quqyqtyq aktileriniń etalondyq baqylaý bankinde ornalastyrý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy;
3) osy buıryqtyń Qazaqstan Respýblıkasy Bilim jáne ǵylym mınıstrliginiń Internet-resýrsynda ornalasýyn;
4) osy buıryqty Qazaqstan Respýblıkasy Ádilet mınıstrliginde memlekettik tirkeýden ótkennen keıin on jumys kún ishinde Qazaqstan Respýblıkasy Bilim jáne ǵylym mınıstrliginiń Zań departamentine osy buıryqtyń 1), 2) jáne 3) tarmaqshalarymen qarastyrylǵan is-sharalardyń oryndalýy jónindegi málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Bilim jáne ǵylym vıse-mınıstri E.N. Imanǵalıevke júktelsin.
4. Osy buıryq alǵashqy resmı jarııalanǵannan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Bilim jáne ǵylym mınıstri A. SÁRINJIPOV
Qazaqstan Respýblıkasy Bilim jáne ǵylym mınıstriniń 2016 jylǵy
26 qańtardaǵy № 79 buıryǵyna qosymsha
Qazaqstan Respýblıkasy Bilim jáne ǵylym mınıstriniń 2012 jylǵy
18 maýsymdaǵy № 281 buıryǵymen bekitilgen
Bilikti jumysshy kadrlardyń kásipteri (mamandyqtary) boıynsha kásiptik daıarlyq deńgeıin baǵalaý jáne biliktilikti berý qaǵıdalary
1. Jalpy erejeler
1. Bilikti jumysshy kadrlardyń kásipteri (mamandyqtary) boıynsha kásiptik daıarlyq deńgeıin baǵalaý jáne biliktilikti berý qaǵıdalary (budan ári – Qaǵıdalar) «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-baby 20) tarmaqshasyna sáıkes ázirlendi.
2. Osy Qaǵıdalar menshik nysany men vedomstvolyq baǵynystylyǵyna qaramastan tehnıkalyq jáne kásiptik, orta bilimnen keıingi bilim beretin uıymdarǵa taratylady.
3. Osy Qaǵıdalar tehnıkalyq jáne kásiptik, orta bilimnen keıingi bilimniń kásipteri (mamandyqtary) boıynsha kásiptik daıarlyq deńgeıin baǵalaý jáne biliktilikti berý tártibin anyqtaıdy jáne:
1) kásiptik daıarlyq deńgeıin baǵalaý jáne biliktilikti berý jónindegi biliktilik komıssııasynyń qyzmetin uıymdastyrýdy;
2) kásiptik daıarlyq deńgeıin baǵalaý jáne biliktilikti berýdi ótkizýdi uıymdastyrýdy;
3) apellıasııalyq komıssııanyń qyzmetin uıymdastyrý jáne apellıasııany karaýdy;
4) biliktilikti berý týraly sertıfıkat berýdi qamtıdy.
4. Osy Qaǵıdalarda kelesi termınder men anyqtamalar qoldanylady:
1) apellıasııa – kásiptik daıarlyqty baǵalaýǵa qatysýshylardyń jáne biliktilikti berýdi ótkizýdiń belgilengen tártibiniń buzylýy, ne nátıjelermen kelispeýi týraly jazbasha aryzy boıynsha daýly máselelerdi qarastyrý jáne quqyqtaryn qorǵaý maqsatynda ótkiziletin rásim;
2) biliktilik berý (budan ári – BB) – jeke qabiletterin, naqty mamandyq boıynsha kásiptik qyzmettiń tıisti túri sheńberindegi jumysty oryndaýǵa qajetti kásibı bilimderin, sheberlikter men daǵdylardyń jıyntyǵyn rastaý rásimi;
3) biliktilik emtıhandary (budan ári – BE) - jazbasha testileý úlgilik oqý josparlary, bilim berý baǵdarlamalaryna sáıkes kásiptik daıarlyqty anyqtaıtyn pánder (oqytý tilinde) boıynsha, óner jáne mádenıet salasynyń mamandyqtarynan basqa, uzaqtyǵy 2,5 (eki jarym) astronomııalyq saǵat (150 mınýt) testileý nysanynda ótkiziledi;
4) biliktilik (praktıkalyq) jumysyn tapsyrý – biliktilik sıpattamalarmen, tehnıkalyq talaptarmen kózdelgen, biliktilik deńgeıine sáıkes keletin, praktıkalyq test túrinde óner jáne mádenıet salasynyń mamandyqtarynan basqa, naqty mamandyqqa tán biliktilik (praktıkalyq) jumysyn oryndaý;
5) biliktilik – kásibı qyzmetti quzyretti júzege asyrýǵa múmkindik beretin, jeke qabiletterin, kásibı bilimin, iskerlikterin, daǵdylaryn sıpattaıtyn tıisti bilim berý baǵdarlamasyn oıdaǵydaı aıaqtaý nátıjesinde daıarlaý deńgeıi;
6) biliktilik komıssııasy (budan ári – BK) - emtıhan tapsyrýshylardyń bilim, sheberlikteri men daǵdylarynyń deńgeıin, olardyń oqý baǵdarlamalary men biliktilik sıpattamalarynyń talaptaryna sáıkestiligin anyqtaıdy;
7) biliktilikti berý týraly sertıfıkat – mamannyń biliktilik talaptaryna sáıkestilik deńgeıin (kásibı quzyrettilik deńgeıi) rastaıtyn qujat;
8) kásiptik daıarlyqty baǵalaý (budan ári – KDB) tehnıkalyq jáne kásiptik bilim berý baǵdarlamalaryn iske asyratyn bilim berý uıymdary bitirýshileriniń kásiptik qyzmettiń tıisti túriniń sheńberinde kásiptik daıarlyq deńgeıiniń sáıkestilik dárejesin (qabiletin) aıqyndaý;
9) KDB jáne BB ótkizýetin uıym – memlekettik satyp alýlar týraly zańnamada belgilengen tártippen KDB jáne BB uıymdastyrý men ótkizý jónindegi qyzmetterdiń áleýetti jetkizýshi retinde tanylǵan zańdy tulǵa;
10) tehnıkalyq jáne kásiptik bilim – bilikti jumysshy kadrlaryn jáne orta býyn mamandaryn daıarlaýǵa baǵyttalǵan bilim berý;
11) shyǵarmashylyq emtıhan – óner men mádenıet salasynyń kásipteri (mamandyqtary) boıynsha kásiptik daıarlyqty anyqtaıtyn pánder boıynsha bilim, iskerlik jáne daǵdylardyń naqty deńgeıin jáne olardyń oqý baǵdarlamalarynyń, biliktilik sıpattamalarynyń talaptaryna sáıkestigin anyqtaý. Uzaqtyǵy alatyn biliktiliktiń ereksheligine jáne shyǵarmashylyq emtıhannyń nysanyna baılanysty.
2. Kásiptik daıarlyq deńgeıin baǵalaý jáne biliktilikti berý jónindegi komıssııanyń qyzmetin uıymdastyrý
5. Tehnıkalyq jáne kásiptik, orta bilimnen keıingi bilimniń tehnıkalyq jáne kásiptik bilim kásipteri (mamandyqtary) boıynsha KDB jáne BB ótkizý úshin KDB jáne BB ótkizetin uıym BK qurady. BK músheleriniń sany keminde 3 (úsh) adamdy (taq san) quraıdy.
6. BK quramy tıisti kásipterdiń (mamandyqtardyń) mamandary jáne О́ńirlik kásipkerler palatasynyń (budan ári – О́KP) kelisýi boıynsha kásiporyndar men jumys berýshiler qaýymdastyqtarynyń ókilderi qatarynan KDDB ótkizýden keminde kúntizbelik 30 kún buryn qurylady.
7. BK quramyna jumys berýshiler, eńbekti qorǵaý jónindegi ınjener, óndiristik ýchaskelerdiń sheberleri, dırektorlardyń oqý-óndiristik jumys jónindegi orynbasarlary, arnaıy pánder oqytýshylary, óndiristik oqytý sheberleri, sondaı-aq tıisti beıinniń oqý oryndary úshin óner jáne mádenıet salasy mekemeleriniń ókilderi tartylady.
Mádenıet jáne óner salasynyń mamandyqtary úshin BK quramy ýákiletti organnyń kelisýi boıynsha mádenıet jáne óner salasynyń mamandary qatarynan qurylady.
8. BK tóraǵasy О́KP kelisýi boıynsha kásiporyndar nemese jumys berýshiler qaýymdastyqtary ókilderiniń arasynan taǵaıyndalady.
Mádenıet jáne óner salasynyń mamandyqtary úshin BK tóraǵasy tıisti mamandyqtyń ozyq ókilderi qatarynan taǵaıyndalady.
9. BK tóraǵasynyń testilenetin kásipter (mamandyqtar) boıynsha tıisti mamandyǵy bar.
10. BK hatshysy KDB jáne BB ótkizýge jaýapty uıym qyzmetkerleriniń qatarynan taǵaıyndalady. Hatshy BK quramyna kirmeıdi.
11. BK quramyn anyqtaý, olardyń jumysyn uıymdastyrý, traktorlardy jáne basqa da ózdiginen júretin aýyl sharýashylyǵy melıoratıvtik kólikterin, sondaı-aq avtokólik quraldaryn basqarýǵa beriletin kýálikterdi berý tártibi belgilengen tártippen qabyldanǵan arnaıy normatıvtik quqyqtyq aktilerge, «Traktorlardy jáne olardyń bazasynda jasalǵan ózdiginen júretin shassıler men mehanızmderdi, ózdiginen júretin aýylsharýashylyq, melıorasııalyq jáne jol-qurylys mashınalaryn, sondaı-aq júrip ótý múmkindigi joǵary arnaıy mashınalardy basqarý quqyǵyna emtıhandar qabyldaý jáne kýálikter berý qaǵıdalaryn bekitý týraly» Qazaqstan Respýblıkasy Aýyl sharýashylyǵy mınıstriniń 2015 jylǵy 30 naýryzdaǵy № 4-3/270 buıryǵyna sáıkes retteledi (Normatıvtik quqyqtyq aktilerdi memlekettik tirkeý tiziliminde 2015 jylǵy 21 shildede № 11711 bolyp tirkelgen).
12. Arnaıy uıymdarmen jáne vedomstvolarmen qadaǵalanatyn obektilerdegi jumystarmen baılanysty (júk kótergish krandarynyń mashınısteri, elektrlik kótergishter (lıftiler) slesar-montajnıkter, gazelektrlik dánekerleýshiler, elektrlik stansııalardyń kezekshi qyzmetkerleri jáne basqalar) biliktilik emtıhandaryn tapsyrý kezinde (jazba testiler) BK-nyń quramyna osy uıymdardyń ókilderi de kiredi.
3. Kásiptik daıarlyq deńgeıin baǵalaýdy ótkizýdi jáne biliktilikti jumysshy kadr-larynyń kásipteri (mamandyqtary) boıynsha biliktiliktilikti berýdi uıymdastyrý
13. KDB jáne BB-ny mynadaı talaptarǵa jaýap beretin uıymdar júzege asyrady:
1) kásiptik daıarlyq deńgeıin baǵalaý jáne biliktilikti berýdi ótkizý máseleleri boıynsha daıyndyqtan jáne taǵylymdamadan ótken, jumys tájirıbesi bar personal;
2) úzdik óndiristik tájirıbe (salalyq qaýymdastyq janynda qurylǵan uıym úshin salalyq qaýymdastyqtyń jumys tájirıbesi esepteledi);
3) salalardyń kásiptik standarttaryn ázirleý jáne/nemese saraptaýdaǵy jumys tájirıbesi;
4) oqý oryndarymen uzaq yntastaqtastyq tájirıbesi jáne úlgilik oqý josparlary men bilim berý baǵdarlamalaryn ázirleýge qatysýy (keminde 5 jyl);
5) testilenetin mamandyq boıynsha test tapsyrmalarynyń bazasy;
6) osy Qaǵıdalardyń 6 jáne 7-tarmaqtaryna sáıkes biliktilik jáne apellıasııalyq komıssııalardyń áleýetti músheleriniń tizimi.
14. KDB jáne BB-ǵa tehnıkalyq jáne kásiptik, orta bilimnen keıingi bilim beretin uıymdardyń túlekteri jiberiledi.
15. KDB jáne BB-ǵa qatysý úshin:
1) osy buıryqqa 1-qosymshaǵa sáıkes KDB jáne BB-ǵa qatysýǵa ótinish;
2) jeke basyn kýálandyratyn qujattyń kóshirmesin;
3) buryn berilgen biliktilik týraly qujattyń kóshirmesin (bolǵan jaǵdaıda) ótkizý qajet.
16. Tolyq qujattar toptamasy usynylǵannan keıin KDB jáne BB ótkizý jónindegi qyzmetterdi kórsetýge arnalǵan shart jasalady.
Usynylǵan qujattar toptamasy tolyq bolmaǵan jaǵdaıda KDB jáne BB-ge ótýge ruqsat berilmeıdi.
17. BE (jazbasha testileý) úlgilik oqý josparlary, bilim berý baǵdarlamalaryna sáıkes kásiptik daıarlyqty anyqtaıtyn pánder boıynsha (oqytý tilinde) ótkiziledi jáne oqý baǵdarlamalaryna sáıkes 100 suraqtan turady. Árbir testik tapsyrmanyń durys jaýaby 1 (bir) balmen baǵalanady.
18. Jazbasha testileý nemese tapsyrmalar (ahýaldyq tapsyrma) boıynsha 60 baldan kem alǵandar, biliktilik (praktıkalyq) jumystaryn tapsyrýǵa jiberilmeıdi.
19. Jazbasha testterdiń nátıjeleri balmen baǵalanady jáne KDB jáne BB ótkizýge jaýapty uıym sol kúni jarııalaıdy. Biliktilik (praktıkalyq) jumystaryn ótkizý kezinde biliktilik sıpattamalarmen, tehnıkalyq talaptarmen kózdelgen biliktilik deńgeıine sáıkes keletin jumysty oryndaý kózdeledi.
20. Biliktilik (praktıkalyq) jumystaryn oryndaýdyń tizbesi, mazmuny, jáne talaptary, onyń ishinde buıymdardy ázirleý oqý jumys baǵdarlamalary men biliktilik sıpattamalaryna sáıkes anyqtalady.
21. BK músheleri biliktilik jumystaryn baǵalaý kezinde úlgilik oqý josparlary, bilim berý baǵdarlamalaryna, óndiristik oqytý boıynsha iskerlik jáne praktıkalyq daǵdylarǵa sáıkes kásiptik daıarlyqty anyqtaıtyn pánder boıynsha naqty bilim deńgeıin esepke alady.
22. Biliktilik (praktıkalyq) jumysy:
1) eger tapsyrma tehnıkalyq talaptar men sharttarǵa sáıkes tolyq kólemde oryndalsa, qabyldanǵan bolyp esepteledi;
2) biliktilik jumystaryn (praktıkalyq jumys) oryndaýǵa arnalǵan pysyqtaý normasyn (ýaqyt) oryndamaǵan jaǵdaıda qabyldanbaǵan bolyp sanalady.
23. Emtıhan tapsyrýshy ótkizý tártibin buzǵan jaǵdaıda, odan ári emtıhandy tapsyrý týraly máseleni BK tóraǵasy sheshedi.
24. BE (jazbasha test) nátıjeleri vedomospen resimdeledi. Kásipter (mamandyqtar) boıynsha biliktilik jáne dáreje berý týraly BK sheshimi BK tóraǵasy men barlyq músheleri qol qoıatyn hattamaǵa jazylady jáne tehnıkalyq jáne kásiptik, orta bilimnen keıingi bilim berý uıymdaryna joldanady.
25. О́ner jáne mádenıet salasynyń kásipteri (mamandyqtary) boıynsha shyǵarmashylyq emtıhandary biliktilik sıpattamalarmen, talaptarmen kózdeletin biliktiliktiń tıisti deńgeıine sáıkes keletin osy kásipke tán jumys túrin (oqytý tilinde) oryndaý kózdeledi. 100 baldyq shkalada baǵalanady jáne BK otyrysynyń hattamasy resimdelgennen keıin sol kúni jarııalanady.
26. Shyǵarmashylyq emtıhan, eger ol biliktilik talaptaryna sáıkes oryndalǵan bolsa, qabyldandy dep esepteledi. Shyǵarmashylyq emtıhandy oryndaý kezinde 60 baldan kem alǵan túlekter BE tapsyrmaǵan bolyp esepteledi.
27. Shyǵarmashylyq emtıhannyń nátıjeleri jáne biliktilik berý týraly BK sheshimi BK tóraǵasy men barlyq músheleri qol qoıatyn hattamaǵa jazylady jáne tehnıkalyq jáne kásiptik, orta bilimnen keıingi bilim berý uıymdaryna joldanady.
28. Jazbasha testerdi nemese ahýaldyq tapsyrmalardy, biliktilik (praktıkalyq) jumystardy, shyǵarmashylyq emtıhandaryn qaıta tapsyrýǵa ruqsat etiledi jáne qaıta tapsyrýǵa berilgen ótinish negizinde 3 (úsh) retke deıin keminde 10 (on) jumys kúni ótkennen keıin ótkiziledi. Kelesi qaıta tapsyrý 3 (úsh) aı ótkennen keıin ruqsat etiledi.
4. Apellıasııalyq komıssııanyń qyzmetin uıymdastyrý jáne apellıasııany qaraý
29. Daýly máselelerdi qaraý jáne KDB jáne BB qatysýshylarynyń quqyqtaryn qorǵaý úshin KDB jáne BB ótkizýge jaýapty uıym 3 adamnan turatyn Apellıasııalyq komıssııa qurady (budan ári - AK).
30. AK qurý osy Qaǵıdalardyń 6-tarmaǵyna, al AK-nyń tóraǵasy men múshelerine qoıylatyn talaptar 7 jáne 8-tarmaqtaryna sáıkes kelýi tıis. AK quramyna BK músheleri bolyp tabylatyn tulǵalar kire almaıdy.
31. AK hatshysy KDB jáne BB ótkizýge jaýapty uıym qyzmetkerleriniń qatarynan taǵaıyndalady. Hatshy AK quramyna kirmeıdi.
32. KDB jáne BB nátıjesimen kelispegen túlek apellıasııaǵa ótinish beredi.
33. Apelıasııaǵa ótinish (budan ári – ótinish) AK tóraǵasynyń atyna testileý nátıjesi jarııalanǵannan keıin bir kún ishinde beriledi.
34. О́tinishte kelispeý sebepteri kórsetiledi jáne ótinish berýshiniń jeke basyn kýálandyratyn qujaty qosa beriledi.
35. Apellıasııaǵa berý úshin:
1) tehnıkalyq qate;
2) tehnıkalyq jáne kásiptik bilim beıini boıynsha test tapsyrmasy mazmunynyń sáıkes kelmeýi;
3) test tapsyrmalaryndaǵy qate suraqtar;
4) memlekettik tilge durys aýdarylmaýy;
5) osy Qaǵıdalarmen belgilengen normalardy buzýǵa negiz bolyp tabylady.
36. AK bir táýlik ishinde apellıasııany qarastyrý nátıjesine sáıkes apellıasııany qabyldamaý nemese qanaǵattandyrý týraly tıisti sheshimdi qabyldaıdy.
5. Sertıfıkat berý
37. KDB jáne BB ótkizýge jaýapty uıymnyń BK-nyń hattamasynda resimdelgen negizinde KDB jáne BB boıynsha biliktilik emtıhanynan oıdaǵydaı ótken tulǵalarǵa naqty kásip (mamandyq) boıynsha tıisti biliktilik deńgeıiniń razrıady taǵaıyndalady jáne osy Qaǵıdalarǵa 2-qosymshaǵa sáıkes Biliktilikti berý týraly sertıfıkat beriledi.
38. Biliktilik emtıhanyn tapsyrý qorytyndysy boıynsha BK sheshiminiń hattamasy KDB jáne BB ótkizýge jaýapty uıymda 5 jyl boıy saqtalady.
39. KDB jáne BB deńgeıi týraly sertıfıkattardy berý tehnıkalyq jáne kásiptik, orta bilimnen keıingi bilim kásipteri (mamandyqtary) boıynsha biliktilikti berý týraly sertıfıkattardy esepke alý jáne berý jýrnalynda resimdeledi.
40. Sertıfıkat alǵandar týraly aqparat bilikti mamandardyń derekter bazasyna engiziledi jáne KDB jáne BB ótkizýge jaýapty uıym saıtynda jarııalanady.
41. Biliktilikti berý týraly sertıfıkatty joǵaltqan jaǵdaıda, KDB jáne BB ótkizýge jaýapty uıym telnusqany beredi.
Tehnıkalyq jáne kásiptik jáne orta bilimnen keıingi bilimniń kásipteri (mamandyqtary) boıynsha kásiptik daıarlyq deńgeıin baǵalaý jáne biliktilikti berý qaǵıdalaryna 1-qosymsha
1-nysan
KDB jáne BB ótkizýge jaýapty uıymnyń basshysyna
_____________________________________ (T.A.Á.)
О́TINISh
Sizden kelesi topqa jiberýińizdi ______________________________________________________
(nómeri, ataýy)
mamandyǵy boıynsha biliktilik emtıhanyn berýge ___________________________ (kody jáne mamandyq ataýy)
biliktiligi ___________________________
( kody jáne biliktilik ataýy)
Bilim berý uıymy _____________________
( Bilim berý uıymynyń ataýy)
MJBS/ÚOJ
Oqý merzimi
Emtıhan tapsyrý shynyń tegi, aty, ákesiniń aty Emtıhan tapsyrýshy jeke kýáliginiń jáne/nemese týý týraly kýáliginiń № Jynysy (er/ áıel) Talap etip Otyrǵan sanaty razrıady, klasy Biliktilik emtıha nyn tapsyrý tili Emtıhan tapsyrý- shynyń qoly
TjKB uıymynyń basshysy ________________________ TAÁ
(qoly)
M.O.
Tehnıkalyq jáne kásiptik jáne orta bilimnen keıingi bilimniń kásipteri (mamandyqtary) boıynsha kásiptik daıarlyq deńgeıin baǵalaý jáne biliktilikti berý qaǵıdalaryna 2-qosymsha
2-nysan
Biliktilikti berý týraly
SERTIFIKAT
KB № ______________________________________
Osy sertıfıkat ____________________________
(tegi, aty, ákesiniń aty)
20__ jyldyń «__» __ bastap 20__ jyldyń «__»
______ aralyǵynda _________________________
___________________________________________
(sertıfıkattaý uıymynyń ataýy)
___________________________________________
___________________________________________
(mamandyqtyń kody jáne ataýy)
kásibi (mamandyǵy) boıynsha biliktilik
emtıhanyn tapsyrǵanyn rastaıdy.
1. Teorııalyq testileý –
2. Praktıkalyq testileý –
Biliktilik komıssııasynyń 20__ jylǵy «_____»
_______ № ________hattamasynyń sheshimimen
__________________________________________
___________________________________________
_____________________biliktiligi berildi.
20___jylǵy «____»____________ deıin jaramdy
___________________________________________
Uıym basshysy ______________/______________/
(qoly) (kúni)
M.O.
Eldi meken ________________________________
(qala, oblys)
20__ j. «__» ______________________________
Tirkeý nómiri _____________________________
Buıryq Qazaqstan Respýblıkasynyń Ádilet mınıstrliginde 2016 jylǵy 25 aqpanda Normatıvtik quqyqtyq kesimderdi memlekettik tirkeýdiń tizilimine №13250 bolyp engizildi.